VOV4.K’ho- Chủ tịch lơgar ồng Nguyễn Xuân Phúc pa lòt còp xã ƀòn lơgar pa Tứ Xã, kơnhoàl Lâm Thao, càr Phú Thọ. Đơs niam tơngai lài, Đảng bộ, gơnoar atbồ mờ làng bol xã neh tam klac, bơceh pa, hòi jà tơl bơta pràn tă pơgồp nàng bơt bơtàu ƀòn lơgar pa mờ lơh gơs mìng tàm 4 nam, Chủ tịch lơgar sồr xã Tứ Xã, kơnhoàl Lâm Thao mờ càr Phú Thọ kơlôi sơnơng broă bơtàu tơnguh xã ƀòn lơgar pa lam lài gơ gơs tiah drà bơh bơnàng jă khoa học mờ dipal mờ broă rơndap ù tiah bơtàu tơnguh lơh sa mpồl bơtiàn.

Lài mờ tŭ tìp mat làng bol tàm xã Tứ Xã tàm Mpồl làng bol ơm kis sồ 7, Chủ tịch lơgar ồng Nguyễn Xuân Phúc neh lòt còp 2, 3 broă lơh phan bơna bè drà, ƀlàng coh plai, gùng lòt bơh xã dê. Ala mat kuang đơng lam bồ Đảng, dà lơgar, Chủ tịch lơgar ồng Nguyễn Xuân Phúc nting bơr gờm chờ Đảng bộ, gơnoar atbồ mờ làng bol xã Tứ Xã, kơnhoàl Lâm Thao bè ală cồng nha neh lơh geh tàm bơt bơtàu ƀòn lơgar pa tàm tơngai lài. Chủ tịch lơgar kung đơs niam càr Phú Thọ tàm broă bơtàu tơnguh lơh sa mpồl bơtiàn tơl làm, sền dờng màng tus broă bơt bơtàu ƀòn lơgar pa.

Cau mblàng K’Duẩn