VOV4.K’ho - Tàm dơ̆ tus còp mùl màl lơgar Nga, Chủ tịch lơgar ồng Nguyễn Xuân Phúc neh cri bơyai mờ Chủ tịch Hội đồng dà lơgar Quốc hội lơgar Nga mò Valentina Matvienko.

                    Chủ tịch lơgar ồng Nguyễn Xuân Phúc cri bơyai mờ Chủ tịch Hội đồng lơgar Nga

Tàm dơ̆ cri bơyai, Chủ tịch lơgar ồng Nguyễn Xuân Phúc mờ Chủ tịch Hội đồng lơgar Nga mò Valentina Matvienko đơs niam broă lơh git gơ̆p đah lơgar Việt Nam mờ lơgar Nga pơn jăt tai tơnguh bơtàu niam tàm tơngai do, tàm hơ̆ geh bal tàm ală gah broă chính trị, lơh sa, kă bro mờ bơcri priă, sền gàr bơta lơngăp lơngai dà lơgar, năng lượng mờ nhơm jờu, bơto bơtê mờ khoa học...; tơlik nùs nhơm chờ hờp tềng đăp mờ cồng nha lơh broă bal đah bàr lơgar tàm broă rơcang sơndră mờ kòp Covid-19. Tàm hơ̆, broă lơh git gơ̆p đah Quốc hội bàr lơgar geh gơnoar kuơ màng ngan. Chủ tịch lơgar ồng Nguyễn Xuân Phúc kung pơn jờng broă pơgồp bal nền nòn đah Quốc hội lơgar Việt Nam mờ lơgar Nga tàm ală dơ̆ pơrjum cri bơyai dunia mờ tàm tiah do.

Cau mblàng Ndong Brawl