VOV4.K’ho- Ngai 09/6, tàm Gơlang Chủ tịch, Chủ tịch lơgar ồng Nguyễn Xuân Phúc, Kuang atbồ Mpồl đơng lam lơh niam sền gàr adat boh lam dà lơgar, kuang atbồ Mpồl đơng lam bơt bơtàu rơndap broă kuơmàng bơt bơtàu mờ lơh sir dà lơgar gơnoar adat boh lam Xã hội chủ nghĩa Việt Nam tus nam 2030, gùng dà wèt tus nam 2045 neh geh dơ̆ pơrjum mờ ală anih lơh broă geh gơ rềng bè broă rơndap lơh lam lơh bơt bơtàu rơndap broă.

Đơs tàm dơ̆ lơh broă, Chủ tịch lơgar ồng Nguyễn Xuân Phúc đơs loh, broă rơcang lài rơndap broă kuơmàng bơt bơtàu mờ lơh sir dà lơgar gơnoar adat boh lam Xã hội chủ nghĩa Việt Nam tus nam 2030, gùng dà wèt tus nam 2045 là kơnòl kuơmàng mờ Nghị quyết pơrjum dờng Đảng dơ̆ 13 ai tơlik. Broă bơt bơtàu ală tơngume bơh rơndap broă dê pal geh broă lơh tus bal gàr khoa học, geh broă wèt sền jŏ jòng tus nam 2045, tam gơl pa mờ dipal mờ gùng dà bơtàu tơnguh jat bơnàng jă kơlôi sơnơng geh bơta rơndap tap sèng broă gơlik geh tàm lơgar mờ dunia. Chủ tịch lơgar ồng Nguyễn Xuân Phúc kung sồr Ban Nội chính dà lơgar pơn jat tai bơ tơl ală tơngume kuơmàng, dipal tàm jơnau rơcang cih rơndap broă.

Cau mblàng K’Duẩn