VOV4.K’ho - Tàm nùs nhơm chờ hờp bơh ngai chờ dà lơgar-gùt làng bol lòt đùh sră tĕ khà, drim òr (23/05), Chủ tịch lơgar ồng Nguyễn Xuân Phúc bal mờ pơ-ùr mờ ală cau tĕ khà tàm tiah 041, mpồl tĕ khà sồ 09 (thị trấn Củ Chi, kơnhoàl Củ Chi, ƀòn dờng Hồ Chí Minh) neh lòt đùh ală pang sră nàng pồ kuang bàng Quốc hội khoă 15 mờ kuang bàng HĐND tơngai bơh nam 2021 tus 2026.

                     Chủ tịch lơgar ồng Nguyễn Xuân Phúc bal mờ pơ-ùr lòt đùh sră tĕ khà lơh jăt gơnoar làng bol dê

Tơnơ̆ mờ tŭ neh đùh sră, Chủ tịch lơgar ồng Nguyễn Xuân Phúc neh hơ jơnau lùp bơh cau lơh ƀăo. Chủ tịch lơgar đơs tờm, tam klăc gùt jơi bơtiàn kòn cau là broă lơh dờng mờ Đảng, Bác Hồ sùm sền gròi, đơng lam, tàm hơ̆ uă ngan là tàm ală ngai chờ bè ngai chờ dà lơgar, gùt làng bol lòt đùh sră mờ ală broă lơh kuơ màng ndai bơh dà lơgar dê. Kuơ màng, geh bal tàm ală tŭ dà lơgar gơtìp rềs àr, dà tih dà cò, nùs nhơm tam klăc gùt jơi bơtiàn kòn cau sùm geh tơnguh.

Do kung là bơhiàn ờs mờng kuơ màng bơh Dà lơgar Việt Nam dê. Nùs nhơm hơ̆ sùm geh gơguh uă dơ̆ mờ tơnguh pràn kơl dang bơh tàm rài tam lơh mờ broă bơ̆t bơtàu mờ tơnguh bơtàu dà lơgar.

Cau mblàng Ndong Brawl