VOV4.K’ho - Drim òr (22/11), tàm gơlang Chủ tịch, Chủ tịch lơgar ồng Nguyễn Xuân Phúc, Chủ tịch Mpồl duh broă sền gàr bơta lơngăp lơngai dà lơgar, Kuang atbồ ală mpồl ling phào crong làng bol, jào kơrnoăt tơnguh groăt ling klàng lài mờ tơngai bơh Phó Đô đốc ling dà lềng guh Thượng tướng ai ồng Phạm Hoài Nam, Ủy viên Đảng Dà lơgar, Ủy viên Quân ủy Dà lơgar, Thứ trưởng Bộ Quốc phòng.

Chủ tịch lơgar ồng Nguyễn Xuân Phúc jào kơrnoăt tơnguh groăt Thượng tướng ai ồng Phạm Hoài Nam, Thứ trưởng Bộ Quốc phòng in

Đơs tàm dơ̆ jào kơnòl, Chủ tịch lơgar ồng Nguyễn Xuân Phúc đơs tờm, Thượng tướng Phạm Hoài Nam là dùl nă kuang bàng geh nùs nhơm kơ̆ dơn, bồ tơngoh ngăc ngar, kơ̆ dơn, nùs nhơm niam; geh bơto bơtê tus gùng tus dà, jăk chài, jơnau ngăc ngar mờ bơta pràn kơl dang niam; geh bơsram tàp, gơs dờng pràn bơh tàm ală tiah; geh uă jơnau mờng chài tàm broă đơng lam, atbồ ală mpồl ling. Tàm tơngu me kơnòl geh Bộ trưởng Bộ Quốc phòng jào, Chủ tịch lơgar sồr Thượng tướng Phạm Hoài Nam pơn jăt tai đơng lam tơnguh bơtàu broă lơh sa mờ măi mŏk sền gàr dà lơgar rơhời lơh pa, geh ngui dơ̆ lĕ bal, di pal mờ dùl bơnah broă kờñ phào crong, phan kỹ thuật ai mpồl ling phào crong bơnah broă niam tàm broă bơ̆t bơtàu mờ sền gàr pa dà lơgar in. Pơn jăt tai tơlik nùs nhơm khin kơlôi, khin lơh, khin dờp kơnòl, khin tam gơl pa, khin tam dră mờ kal ke, bơta tơlòng, khin lơh tài bơta kuơ bal.

Cau mblàng Ndong Brawl