VOV4.K’ho- Ngai 21/10, tàm Gơlăng Chủ tịch, Chủ tịch lơgar ồng Nguyễn Xuân Phúc neh jàu Kơrnuat tơn pồ Đại sứ tơngai lơh broă bơh nam 2021 tus nam 2024 tàm tiah châu Âu mờ tiah tàm gùl châu Á ai 8 nă Đại sứ in.

                                           Chủ tịch lơgar đơs tàm dơ̆ jàu kơrnuat tơn pồ Đại sứ

Tàm dơ̆ wă, ala mat ală Đại sứ dờp kơnòl broă in, ală Đại sứ ai tơnggŏ bơta pơn iờ să dờng ngan dờp kơnòl broă mờ Đảng, dà lơgar, làng bol jàu, mờ kung đơs nền geh lơh ngan uă ngan rlau jơh, pơgồp bal mờ ală anih lơh broă tàm lơgar mờ lơgar ndai, lam lơh niam gùng dà lơh broă mờ lơgar ndai bơh Pơrjum dờng Đảng gùt lơgar dơ̆ 13 dê. Ala mat kuang đơng lam bồ Đảng, dà lơgar, Chủ tịch lơgar ồng Nguyễn Xuân Phúc nting bơr gờm chờ ală Đại sứ geh Đảng, dà lơgar pin dờn jàu kơnòl broă dờng màng tàm ală lơgar tàm tiah châu Âu.

Chủ tịch lơgar đơs nền, do ờ mìng là bơta pơn iờ să dờng ngan mờ kung là kơnòl broă dờng màng ngan mờ Đảng, dà lơgar, làng bol pin dờn jàu ală Đại sứ in. Do là dơ̆ tơn pồ Đại sứ dơ̆ 2 tơnơ̆ Pơrjum dờng Đảng gùt lơgar dơ̆ 13, Chủ tịch lơgar đơs nền wơl gùng dà lơh broă mờ lơgar ndai bơh Việt Nam dê tơnơ̆ pơrjum dờng Đảng kung bè jơnau kờñ wèt tus nam 2045, Việt Nam gơ gơs là lơgar geh priă jền lơh geh uă.

Cau mblàng K’Duẩn