VOV4.K’ho - Mho òr (15/10), Chủ tịch lơgar ồng Nguyễn Xuân Phúc neh lơh broă mờ Ban Cán sự Đảng Anih cah rơña dờng rơlao jơh.

       Chủ tịch lơgar ồng Nguyễn Xuân Phúc lơh broă mờ Ban Cán sự Đảng Anih cah rơña dờng rơlao jơh

Đơs tàm dơ̆ lơh broă, Chủ tịch lơgar ồng Nguyễn Xuân Phúc đơs niam gah cah rơña neh lơh jăt jăt niam gơnoar, kơnòl cah rơña, lơh jăt gơnoar tư pháp, sền gàr bơta ring bal, gơnoar kòn bơnus, bơta kuơ di mờ adăt boh lam bơh anih lơh broă, mpồl lơh broă, cau dùl nă să. Kuơ màng, gah lơh broă do neh geh uă broă lơh pràn nàng tơnguh uă bơta niam broă yal yă, kơrnoăt bơh anih cah rơña; tam gơl pa broă lơh cơl jŭ cah rơña, bơyai lơh dơ̆ cah rơña jăt nùs nhơm lơh niam tư pháp, di pal mờ bơta geh bal bơh dunia. Bơh tŭ hơ̆, pơgồp bal tơnguh nùs nhơm pin dờn bơh làng bol tàm dùl broă lơh tư pháp ring bal, nền nòn, gàr niam broă git jơnau mờ adăt boh lam. Chủ tịch lơgar sồr gah cah rơña pal rơcang, chồl pràn broă lơh, ai broă cah rơña di tŭ, nền nòn ală dơ̆ sa kuề sa koà, lơh sa gơtìp aniai uă, kal ke mờ ală bơta geh mpồl bơtiàn sền gròi jăt gùng dà broă lơh “ờ geh tiah kơrian, ờ geh jơnau bơdìh, ờ dờp bơta gơrềng ờ di bơh ală cau, mpồl lơh broă lơi”.

Cau mblàng Ndong Brawl