VOV4.K’ho - Ngai òr (07/06), Chủ tịch lơgar ồng Nguyễn Xuân Phúc, Kuang atbồ Mpồl đơng lam lơh niam Tư pháp Dà lơgar neh lơh broă mờ Mpồl drơng broă kuang bàng Đảng Anih cah rơña dờng rơlao jơh bè rơndăp broă: “Tam gơl pa mpồl drơng broă Anih cah rơña niam, lơh broă pràn, geh cồng nha di jăt mờ Nghị quyết Dà lơgar 6 khoă 12 bơh Đảng di pal mờ broă kờñ bơh bơta pa dê”.

Chủ tịch lơgar ồng Nguyễn Xuân Phúc lơh broă mờ Mpồl drơng broă kuang bàng Đảng Anih cah rơña dờng rơlao jơh

Tơnơ̆ mờ tŭ ală bộ, gah lơh broă dà lơgar đơs, pơn dŭt jơnau dơ̆ lơh broă, Chủ tịch lơgar ồng Nguyễn Xuân Phúc đơs tờm tơngu me kuơ màng geh đơs tàm Nghị quyết sồ 49 bơh Bộ Chính trị là lơh gơs niam broă lơh, mpồl kuang bàng ală anih lơh broă tư pháp; tàm hơ̆ bơta tờm là bơ̆t bơtàu, lơh gơs broă mờ lơh broă bơh Anih cah rơña dờng rơlao jơh.

Chủ tịch lơgar sồr tơnkah, broă tơrlòng pơn jăt tai bơ̆t bơtàu Anih cah rơña tàm tiah do geh kuơ màng ngan, do kung là broă pơn jăt tai lơh jăt broă bơ̆t bơtàu broă lơh niam tư pháp pa tơngai bơh nam 2021 tus 2030, wèt tus 2045 jăt mờ Nghị quyết sồ 49 bơh Bộ Chính trị. Kuơ màng, ală anih cah rơña tàm tiah do pal geh broă sền gròi bơh HĐND, Quốc hội, Mặt trận dà lơgar Việt Nam, kuơ màng là làng bol gơwèt mờ anih lơh broă cah rơña.

Cau mblàng Ndong Brawl