VOV4.K’ho- Kung tàm dơ̆ lòt còp, Chủ tịch lơgar ồng Nguyễn Xuân Phúc neh geh ală dơ̆ tìp mat mờ ồng Khamtai Siphandone, lài do là Chủ tịch Đảng, Chủ tịch lơgar; ồng Choummaly Sayasone, lài do là Tổng Bí thư, là Chủ tịch lơgar mờ ồng Bounnhang Vorachith, lài do là Tổng Bí thư, là Chủ tịch lơgar Lào.

Tàm ală dơ̆ tìp mat, Chủ tịch lơgar ồng Nguyễn Xuân Phúc ai tơnggŏ bơta chờ hờp geh tìp wơl ală cau bi, cau ling bal, cau bơyô rềp mềr bơh Đảng, Dà lơgar mờ làng bol Việt Nam dê. Ală kuang bàng đơng lam bồ dờng màng lài do bơh lơgar Lào dê ai tơnggŏ bơta chờ hờp tềng đap bơta bơtàu tơnguh niam bơnĕ bơh git gơp lơh bơyô tam klac bal kuơmàng bơh 2 Đảng, 2 Dà lơgar mờ làng bol 2 lơgar tàm tơngai lài; đơs niam ală cồng nha lơh geh tàm dơ̆ tìp mat cribơyai broă; sồr 2 gah pơn jat tai sền gròi bơto bơtê mờ mblàng yal làng bol 2 lơgar in, ngan là rơnàng kơnòm să mờ bơhiàn git gơp kuơmàng, rềp mềr jơh nùs đah Lào- Việt Nam, Việt Nam- Lào.

Cau mblàng K’Duẩn