VOV4.K’ho- Tàm càr lơgar Moscow, Chủ tịch lơgar ồng Nguyễn Xuân Phúc mờ pơ ùr neh lòt còp mờ tìp mat kuang bàng, cau lơh broă Đại sứ quán, ală anih lơh broă sùm lơgar Việt Nam dê tàm Liên Bang Nga.

Đơs tàm dơ̆ tìp mat, Chủ tịch lơgar ồng Nguyễn Xuân Phúc jờng rơ, đơs niam broă lơh rơcang lài bơyai lơh dơ̆ lòt còp dơ̆ do bơh Bộ Ngoại giao, ală Bộ, gah broă lơh geh gơ rềng dê mờ kuơmàng là kuang bàng, cau lơh broă Đại sứ quán Việt Nam tàm lơgar Nga. Chủ tịch lơgar tơngkah kuang bàng, cau lơh broă Đại sứ quán Việt Nam tàm Nga lơh jat niam jơnau đơs pơn dut sồ 12 bơh Đảng dà lơgar dê pa do bè broă lơh cau Việt Nam tàm lơgar ndai tàm tŭ tơngai pa; lam lơh niam kơnòl sền gàr làng bol, dong kờl rài kis ai làng bol Việt Nam kis tàm lơgar ndai in nàng ngai sơlơ geh uă rlau tai ală broă lơh ngan ngồn bơh làng bol dê wèt hờ tơngu rơyas, tă pơgồp bơt bơtàu ƀòn tờm, dà lơgar.

Cau mblàng K’Duẩn