VOV4.K’ho- Pơn jat tai dơ̆ lòt còp ngan ngồn lơgar Cuba, ngai 19/9, tàm càr lơgar La Habana, Cuba, Chủ tịch lơgar ồng Nguyễn Xuân Phúc neh tìp mat mờ Thủ tướng Cuba ồng Manuel Marrero Cruz mờ Kuang đơng lam bồ uă Bộ, gah sơnah lơh broă tàm Cuba.

Chủ tịch lơgar ồng Nguyễn Xuân Phúc tìp mat mờ Thủ tướng Cuba

Tàm dơ̆ tìp mat, ồng Nguyễn Xuân Phúc pin dờn là bơh bơta đơng lam bơh Thủ tướng Manuel Marrero Cruz, Chính phủ Cuba geh uă cồng nha pa tàm broă đơng lam dà lơgar mờ rài lơh sa. Bàr gah neh sơr lèt gan uă bơta lòng, gàr niam ală dơ̆ tìp mat cribơyai kuang bàng kấp dờng màng mờ ală broă lơh lơh broă bal mờ broă lơh pờ tơlik tơn tàm internet; di tŭ dong kờl bal mờ gơ̆p sơndră mờ kòp Covid-19, tơngŏ nùs nhơm tam klăc bal kuơ màng, tam klăc bal oh mi mờ dong kờl bal mờ gơ̆p. Ồng Nguyễn Xuân Phúc kơ̆p kờñ Chính phủ 2 lơgar pơgồp bal niam, lam lơh geh cồng nha ală jơnau ring bal kuang bàng kấp dờng màng, ală broă lơh lơh broă bal neh geh lài, ngan là tơnguh uă cồng nha lơh broă bơh Ủy ban ală Chính phủ, pơgồp bơnah ai bơta gĭt gơ̆p 2 lơgar dê bơtàu tơnguh ngai sơlơ ngan ngồn, bơtàu tơnguh lơh broă bal lơh sa, kă bro mờ bơcri priă di pal mờ bơta gĭt gơ̆p chính trị niam bơnĕ đah 2 lơgar dê.

Cau mblàng K’Hạnh