VOV4.K’ho - Tàm ƀòn dờng Hồ Chí Minh, Chủ tịch lơgar ồng Nguyễn Xuân Phúc pa geh dơ̆ tìp mờ cau tĕ khà kơnhoàl Củ Chi mờ Hóc Môn jăt broă lơh pờ tơlik tàm internet, yal bè broă rơcang pơrjum dơ̆ 2 Quốc hội khoă 15.

                                         Chủ tịch lơgar ồng Nguyễn Xuân Phúc tìp mờ cau tĕ khà

Tàm dơ̆ tìp, ală cau tĕ khà tơlik nùs nhơm ưn ngài Đảng, Dà lơgar, ală mpồl lơh broă, ală cau dùl nă să is tàm lơgar mờ lơgar bơdìh neh jơh nùs sền gròi, đơng lam, dong kờl ƀòn dờng Hồ Chí Minh tam dră mờ kòp gơtờp nàng sền gròi geh kòp gơtờp bè tŭ do. Chủ tịch lơgar ồng Nguyễn Xuân Phúc pà git, Bộ Chính trị neh geh uă dơ̆ pơrjum nàng ai tơlik geh uă broă đơng lam Chính phủ, Mpồl đơng lam rơcang sơndră mờ kòp gơtờp, tàm hơ̆ geh broă tam gơl broă lơh bơh “Zero Covid-19” tus gơdờp ờ do ờ dă mờ Covid-19. Tàm tơngai tus, Chủ tịch lơgar đơs là, sơnơm vaccine pơgồp bal mờ 5K gam là broă lơh geh kuơ màng ngan bơh broă mờng chài tam dră mờ kòp bơh dunia mờ lơgar Việt Nam dê. Mờ broă ƀòn dờng Hồ Chí Minh rơhời geh gròi sền kòp gơtờp, Chủ tịch lơgar đơs là, ală kơnhoàl Củ Chi mờ Hóc Môn pal sền wơl, bơsong mơ ală broă kal ke nàng ai geh bơta ƀuơn ngan ai mpồl lơh sa kă bro, HTX mờ làng bol in tơnguh wơl broă lơh sa, ai broă lơh mờ geh priă ngui sa, gàr niam rài kis lơh broă sa mpồl bơtiàn.

Cau mblàng Ndong Brawl