VOV4.K’ho- Mho ngai 18/8, tàm Hà Nội, Đảng ủy Kuang àng dà lơgar, Bộ Kuang àng neh bơyai lơh tìp mat tơngkah 76 nam Ngai bơhiàn Mpồl kuang àng làng bol (19/8) mờ jàu pà gai lòng kir sơnrai 40 sơnam, 30 sơnam geh Đảng ai ală kuang đơng lam bồ, lài do là kuang đơng lam bồ Bộ Kuang àng in.

Tus bal mờ đơs tàm dơ̆ bơyai lơh tơngkah,  Chủ tịch lơgar ồng Nguyễn Xuân Phúc đơs niam mpồl Kuang àng làng bol tàm ală nam do neh tam dră geh cồng nha, kơryan tơl kai, broă lơh dră wơl Đảng, dà lơgar bơh ală mpồl sò tơm dê, sền gàr kơ̆ lơngap lơngai dà lơgar. Bal mờ hơ̆, mpồl Kuang àng làng bol neh sơlơ tơnguh broă lơh rơcang sơndră cau tìs.

Chủ tịch lơgar ồng Nguyễn Xuân Phúc sồr Đảng bộ Kuang àng dà lơgar, Bộ Kuang àng pơn jat tai tơnguh nùs nhơm tam klac bal, ring bal, lơh ngan lơh jat geh cồng nha ală gùng dà broă lơh bơh Đảng, adat boh lam bơh dà lơgar dê bè kơnòl sền gàr lơngap lơngai dà lơgar, ring lơngai ờdo ờdă mpồl bơtiàn.

Cau mblàng K’Duẩn