VOV4.K’ho - Mang òr (17/11), Chủ tịch lơgar ồng Nguyễn Xuân Phúc tus pơrjum, chờ hờp bal mờ làng bol kis tàm sơnah ƀòn Điện Biên, quận Ba Đình, ƀòn dờng Hà Nội tàm ngai Ngai chờ tam klăc dờng gùt jơi bơtiàn kòn cau.

Chủ tịch lơgar ồng Nguyễn Xuân Phúc tus pơrjum Ngai chờ tam klăc dờng tàm sơnah ƀòn Điện Biên, quận Ba Đình, ƀòn dờng Hà Nội

Chủ tịch lơgar ồng Nguyễn Xuân Phúc pơn jờng Đảng bộ, gơnoar atbồ bal mờ làng bol kis tàm sơnah ƀòn neh geh uă broă lơh ngan, sơrlèt mờ kal ke bơh kòp gơtờp. Chủ tịch lơgar chờ hờp tŭ rài kis phan bơna, nùs nhơm bơh làng bol tàm sơnah ƀòn Điện Biên ngai sơlơ gơguh, ờ gam geh hìu rơƀah... Chủ tịch lơgar kung sồr làng bol kis tàm sơnah ƀòn bal mờ ƀòn dờng Hà Nội tơnguh jơnau git wă, rơcang lài tàm broă sơndră mờ kòp gơtờp; pơn jăt tai tơnguh nùs nhơm dong kờl bal, tam pà bal, sơrlèt bal mờ kal ke tài bơh kòp gơtờp tŭ do. Lài mờ hơ̆, tàm mho ngai òr (17/11), tàm gơlang Chủ tịch, Chủ tịch lơgar ồng Nguyễn Xuân Phúc neh tìp măt mờ wă Mpồl cau ala măt cau geh bơngă pin dờn, kuang atbồ ƀòn geh pơnrơ jăk, ala măt ai ală kuang atbồ ƀòn mờ 1 rơbô 300 nă cau geh bơngă pin dờn bơh gùt càr Bắc Kạn tus còp càr lơgar Hà Nội.

Cau mblàng Ndong Brawl