VOV4.K’ho - Dờp jơnau jà bơh Kuang atbồ lơgar Kenya, Chủ tịch pơdar bal Hội đồng bảo an Liên hợp quốc nhai 10 nam 2021, mang òr (28/10), Chủ tịch lơgar ồng Nguyễn Xuân Phúc tus pơrjum mờ geh jơnau đơs tàm dơ̆ cri bơyai pờ dờng màng tàm internet mờ broă lơh bal đah Liên hợp quốc mờ Mpồl tam klăc châu Phi (AU) mờ tơngu me “Tơnguh broă tam klăc bal tài ring lơngai mờ lơngăp lơngai tàm dùl tiah tam lơh gam tam gơl”.

Broă Chủ tịch lơgar ồng Nguyễn Xuân Phúc tus pơrjum cri bơyai ai gŏ gơnoar, broă pơgồp bal geh kơnòl bơh lơgar Việt Nam tàm broă tơnguh broă lơh bal đah Liên hợp quốc mờ ală mpồl lơh broă tàm ală tiah, mờ pơn jăt tai cồng nha neh lơh geh tàm nhai lơgar Việt Nam lơh Chủ tịch Hội đồng Bảo an Liên hợp quốc (nhai 4/2021). Tàm dơ̆ cri bơyai, Chủ tịch lơgar đơs niam bè ală cồng nha, broă lơh ngan bè tơnguh bơtàu mờ tơrgùm bal mờ dunia bơh châu Phi dê tàm tơngai do, mờ tam pà bal uă kal ke, tơlòng lơngăp lơngai ờs mờng, ờ ờs mờng mờ châu Phi tŭ do gam pal gơtìp, tàm hơ̆ uă ngan là ală bơta gơrềng ờ niam bơh broă tam lơh, ờ niam, kòp Covid-19.

Cau mblàng Ndong Brawl