VOV4.K’ho - Drim òr (18.11), tàm Hà Nội, Chủ tịch lơgar ồng Nguyễn Xuân Phúc tus pơrjum tơnkah 70 nam ngai crơng gơs Hìu bơsram Đại học Sư phạm Hà Nội mờ dờp Huân chương Lao động khà 1 dơ̆ bàr.

Ala măt kuang đơng lam Đảng, Dà lơgar, Chủ tịch lơgar ồng Nguyễn Xuân Phúc chờ gờm ală rơnàng kuang bàng, cau pơgru, cau lơh broă, cau bơsram, cau bơsram dờng, kơnòm bơsram tàm Hìu bơsram Đại học Sư phạm Hà Nội bè ală cồng nha neh lơh geh tàm 70 nam do. Mờ đơs, Đảng mờ Dà lơgar sùm ai broă bơto bơtê mờ bơsram, khoa học mờ công nghệ là broă lơh dà lơgar dê lài ngan, Chủ tịch lơgar ồng Nguyễn Xuân Phúc đơs loh, Hìu bơsram Đại học Sư phạm Hà Nội neh geh Dà lơgar ai là dùl tàm bàr hìu bơsram đại học sư phạm tờm gùt lơgar dê. Đơs wơl jơnau đơs niam “Tŭ hìu bơsram tơnguh bơtàu, ală bơta ndrờm tơnguh bơtàu”, Chủ tịch lơgar sồr Hìu bơsram Đại học Sư phạm Hà Nội tơrgùm lơh gơs bè broă lơh bal mờ cơ chế lơh broă, pơn jăt tai ai gŏ bơngă dùl hìu bơsram tờm dà lơgar dê; tam gơl pa tơl ală bơta bè broă bơto mờ tơngu me tờm broă bơto di pal mờ jơnau kờñ tam gơl pa tŭ do dê.

Cau mblàng Ndong Brawl