VOV4.K’ho- Pơn jat tai ală broă lơh hòi jà kă bro, bơcri priă di dơ̆ tus bal cribơyai bal kuang bàng dờng màng Pơrjum Đại hội đồng khóa 76 bơh Liên hợp quốc dê, ngai 22/9, jat jơ tiah do, Chủ tịch lơgar ồng Nguyễn Xuân Phúc neh geh ală dơ̆ wă Mpồl duh broă kă bro Mỹ- ASEAN (USABC), Hiệp hội kă bro Mỹ, Cơldŭ kă bro Mỹ mờ kuang đơng lam bồ ală mpồl lơh sa kă bro, tập đoàn uă lơgar. Chủ tịch lơgar ồng Nguyễn Xuân Phúc đơs niam gơnoar broă bơh ală Hiệp hội, mpồl lơh sa kă bro Mỹ dê tàm broă chul chồl ală mpồl lơh sa kă bro lơgar Mỹ kă bro mờ bơcri priă tàm lơgar Việt Nam tàm uă nam do.

Tơngai tus, Chủ tịch lơgar sồr ală Hiệp hội pơn jat tai chul chồl ală mpồl lơh sa kă bro lơgar Mỹ bơcri priă tàm lơgar Việt Nam, ngan là tàm ală gah broă lơh kuơmàng bè công nghệ cao, phan bơna, priă jền,... lam Việt Nam mut tàm ală mpồl tac phan tàm tiah do mờ tàm gùt plai ù. Bal mờ hơ̆ là hòi jà Chính phủ Mỹ pơn jat tai dong kờl sơnơm vaccine rơcang sơndră kòp Covid-19 mờ phan bơna, măi mok, tàm jàu công nghệ lơh gơlik sơnơm vaccine ai lơgar Việt Nam in.

Cau mblàng K’Duẩn