VOV4.K’ho- Kung tàm dơ̆ lòt còp lơh bơyô ngan ngồn lơgar Lào, klo ngai, ngai 10/8, tàm càr lơgar Vientiane, ồng Nguyễn Xuân Phúc- Chủ tịch lơgar Việt Nam neh wă Phó Chủ tịch lơgar Lào ồng Pany Yathotou mờ Phó Chủ tịch lơgar Lào ồng Bounthong Chitmany.

Tàm dơ̆ wă, Chủ tịch lơgar ồng Nguyễn Xuân Phúc đơs ngan Đảng, Dà lơgar mờ làng bol Việt Nam sùm sền dờng màng mờ lời ai lài ngan rlau jơh ai broă lơh ngan lơh kơ̆ kơl jap mờ sơlơ tơnguh bơta gĭt gơ̆p lơh bơyô bal ờs mờng, tam klăc bal kuơ màng mờ lơh broă bal tơl làm Việt Nam mờ Lào. Chủ tịch lơgar ồng Nguyễn Xuân Phúc sồr 2 gah pơn jat tai pơgồp bal lam lơh geh cồng nha ală jơnau ring bal kuang bàng kấp dờng màng neh geh kĭ hơ; lơh pràn lơh broă bal tàm jơh ală gah, lơh geh bơta ƀuơn ngan ai ală rơndap broă lơh lơh broă bal kuơ màng lam lơh, bal mờ hơ̆ là dong kờl bal mờ gơ̆p, ngan là ală tiah rềp nhàr bal đah 2 lơgar, nàng rcang sơndră kòp mờ bơtàu tơnguh lơh sa- mpồl bơtiàn; lơh pràn broă mblàng yal, bơto bơtê bè bơhiàn bơta gĭt gơ̆p tam klăc bal kuơ màng Việt Nam mờ Lào, ngan là ai rơnàng kơnòm să in.

Cau mblàng K’Hạnh