VOV4.K’ho- Mho ngai 29/11, jat jơ tiah do, di dơ̆ lòt còp lơgar Thuỵ Sĩ, Chủ tịch lơgar ồng Nguyễn Xuân Phúc neh wă Bộ trưởng Y tế Chile ồng Oscar Enrique Paris (kung gam geh mat tàm lơgar Thuỵ Sĩ). Tàm tŭ tơngai kòp Covid-19 bơtờp tàm gùt plai ù bè tŭ do, broă 2 lơgar geh git gơp niam bơnĕ là bơnàng jă kuơmàng nàng chồl pràn lơh broă bal tàm broă rơcang sơndră kòp bơtờp.

Nting bơr gờm chờ lơgar Chile sền gròi niam kòp bơtờp, khà cit sơnơm vaccine uă ngan. Chủ tịch lơgar sồr lơgar Chile dong kờl sơnơm vaccine ai lơgar Việt Nam in. Ai tơnggŏ bơta ring bal mờ Chủ tịch lơgar ồng Nguyễn Xuân Phúc bè broă pal chồl pràn lơh broă bal tàm broă lơh rơcang sơndră kòp, Bộ trưởng Y tế Chile pà git, Chile tŭ lơi kung rơcang lơh broă bal mờ tam pà sơnơm vaccine mờ lơgar Việt Nam. Bal mờ hơ̆ là tơnguh lơh broă bal đah 2 lơgar tàm gah lơh sơnơm.

Cau mblàng K’ Duẩn