VOV4.K’ho- Drim ngai 13/7, tàm Hìu lơh broă Chủ tịch, ồng Nguyễn Xuân Phúc- Chủ tịch lơgar wă ală Đại sứ bơh ală lơgar: Thái Lan, Chi-lê, Cuba, Nga jun sră dà lơgar pơyoa di dơ̆ dờp lơh kơnòl broă Đại sứ tàm lơgar Việt Nam.

Wă Đại sứ lơgar Nga tàm Việt Nam, ồng Gennady Bezdetko jun sră dà lơgar pơyoa, ồng Nguyễn Xuân Phúc đơs nền, Việt Nam sền dờng màng bơta gĭt gơ̆p lơh broă bal jŏ jòng tơl làm mờ lơgar Nga, sùm gĭt nền lơgar Nga là dùl tàm ală lơgar kuơ màng lam lài tàm broă lơh lơh broă mờ lơgar ndai bơh he dê, kơ̆p kờñ sơlơ tơnguh rlau tai lơh broă bal mờ lơgar Nga tàm ală gah. Chủ tịch lơgar đơs niam ngan lơgar Nga tàm ală nam do sùm kơ̆ kơljap chính trị, lơh sa- mpồl bơtiàn bơtàu tơnguh ngan, bơngă lơgar dờng pràn tàm broă bơsong ală broă dunia, mờ tàm tiah do dê geh tơnguh. Đại sứ lơgar Nga đơs sùm, Việt Nam sùm là lơgar lài ngan bơh lơgar Nga dê ờ mìng tàm tiah đah Jum mat tơngai lik châu Á lơm, mờ gam là tàm tiah châu Á- Thái Bình Dương dê tai. Đại sứ đơs ngan, geh lơh ngan sơlơ tơnguh bơta gĭt gơ̆p uă gah đah 2 gah.

Cau mblàng K’Hạnh