VOV4.K’ho - Ngai òr (16/04), tàm gơlang Chủ tịch lơgar ồng Nguyễn Xuân Phúc neh wă Đại sứ lơgar Mỹ tàm lơgar Việt Nam ồng Daniel Kritenbrink tus jào pang sră chờ gờm bơh Kuang atbồ lơgar Mỹ ồng Joe Biden tus Chủ tịch lơgar ồng Nguyễn Xuân Phúc di tàm dơ̆ Chủ tịch lơgar geh Quốc hội pồ guh at gơnoar broă Chủ tịch lơgar Việt Nam mờ tơngăc tơn jơh tơngai lơh broă.

                         Ồng Nguyễn Xuân Phúc wă Đại sứ lơgar Mỹ tàm lơgar Việt Nam ồng Daniel Kritenbrink

Tàm dơ̆ wă, Chủ tịch lơgar ồng Nguyễn Xuân Phúc đơs niam ală broă pơgồp bal niam bơh Đại sứ tàm broă ai broă lơh gĭt gơ̆p, lơh broă bal bơh bàr lơgar pơn jăt tai tơnguh bơtàu geh cồng nha, kơl jăp, jrô ơnàng tàm tơngu me gĭt jơnau bal tus mờ gơnoar tờm ù tiah dà lơgar, thể chế chính trị bal mờ geh kuơ bal.

Chủ tịch lơgar chờ gờm Đại sứ ồng Daniel Kritenbrink geh Kuang atbồ lơgar Mỹ ồng Joe Biden pồ at gơnoar broă kuang dong broă Ngoại trưởng dong broă tiah Đông Á – Thái Bình Dương, mờ pin dờn tàm gơnoar broă pa, Đại sứ geh pơn jăt tai kờñ bal broă lơh bal đah lơgar Việt Nam mờ lơgar Mỹ.

Cau mblàng Ndong Brawl