VOV4.K’ho- Mho ngai 12/8, tàm Hìu lơh broă Chủ tịch, ồng Nguyễn Xuân Phúc- Chủ tịch lơgar neh wă ồng Kamal Malhotra, Kuang đơng pơlam broă Liên hợp quốc tàm Việt Nam, tus còp să tơngăc lài mờ tŭ tơn jơh tơngai lơh broă tàm Việt Nam. Chủ tịch lơgar gờm chờ ồng Kamal Malhotra neh lơh sir niam ngan tơngai lơh broă tàm Việt Nam.

Chủ tịch lơgar đơs nền Việt Nam sền dờng màng bơta dong kờl, lòt bal mờ lơh broă bal kuơ màng bơh ală mpồl lơh broă Liên hợp quốc dê gơwèt mờ Việt Nam tàm sùm rlau 40 nam do mờ chờ hờp sền gŏ bơta lơh broă bal đah 2 gah ngai sơlơ bơtàu tơnguh mờ lơh jat tàm broă lơh ngan ngồn. Chủ tịch lơgar sồr tàm tơngai tus Liên hợp quốc pơn jat tai geh ală jơnau bơto pơlam broă lơh di pal, dong kờl priă jền mờ bơta chài ai Việt Nam in, tàm hơ̆, lam lài dong kờl Việt Nam tam gơl broă lơh gơguh jat gùng dà broă lơh ngui niam ngan rlau jơh tŭ tơngai bơh dơ̆ Kăc màng công nghiệp 4.0, kơ̆ kơljap rlau tai, glòm jơh rlau tai, ờ lời cau lơi gơtìp lời wơl bơh ngkời, dipal mờ broă lơh dunia, wèt tus lơh gơlik ngan ngồn bơta kơ̆p kơnờm bè dà lơgar bơtàu tơnguh mờ Pơrjum dờng Đảng dơ̆ 13 neh ai tơlik.

Cau mblàng K’Hạnh