VOV4.K’ho- Drim ngai 05/4, Chủ tịch lơgar, ồng Nguyễn Xuân Phúc neh lơh jat bơhiàn yal bơr tềng bồng bi dà lơgar, tềng đap Quốc hội mờ làng bol, cau tĕ khà gùt lơgar. Nghị quyết bè broă pồ ồng Nguyễn Xuân Phúc lơh Chủ tịch lơgar Cộng hoà xã hội chủ nghĩa Việt Nam geh ală kuang bàng Quốc hội pờ tê ring bal mờ 468 tàm 468 nă kuang bàng tus bal pờ tê ring bal.

Đơs guh at gơnoar broă tơnơ̆ dơ̆ yal bơr, Chủ tịch lơgar, ồng Nguyễn Xuân Phúc hơ pơrgon geh lơh ngan jơh pràn, lơh ngan rlau tai nàng lam lơh ală kơnòl broă mờ Sơnua boh lam, kơrnuat boh lam neh cih mờ lơh gơs niam kơnbòl broă bơh Đảng, dà lơgar mờ làng bol dê neh jàu. Đơs nền, mờng chài bal mờ ală cồng nha niam bơnĕ mờ ală kuang đơng lam bồ tơngai lơh broă lài lời wơl, hơ̆ là phan bơna kuơmàng ngan nàng Chủ tịch lơgar pa tàm pơ dờn mờ lơh ngan lơh gơs niam kơnòl broă dờng màng he dê tàm gơnoar broă Chủ tịch lơgar.

Cau mblàng K’Duẩn