VOV4.K’ho - Ngai do (30/5), dơ\ wă mùl màl Chủ tịch lơgar ồng Trần Đại Quang bal mờ pơ-ùr mờ mpồl kuang bàng dờng màng lơgar he geh bơyai lơh tàm gơlang cau bơtau lơgar Nhờk.

Ồng Akihito bal mờ pơ-ùr Michiko đơng lam dơ\ wă ồng Trần Đại Quang bal mờ pơ-ùr, mờ ală broă lơh dờng màng ngan bơh cau bơtau lơgar Nhờk dê ai kuang đơng lam dờng màng dà lơgar tus còp kơnă dà lơgar.

Ngai òr (29/5), tơnơ\ mờ tu\ neh tus càr lơgar Tokyo, ồng Trần Đại Quang bal mờ mpồl kuang bàng dờng màng lơgar he neh tus còp càr Gunma. Do là 1 tàm ală anih tòm lơh sa mờ măy mo\k lơgar Nhờk dê.

Tàm do, ồng Trần Đại Quang neh geh dơ\ tìp mờ Thống đốc càr Gunma ồng Masaki Osawa. Ồng Trần Đại Quang sồr kuang bàng đơng lam càr Gunma chồl pràn rơlao tai broă lơh bal mờ ală càr, [òn dờng lơgar Việt Nam, tàm hơ\ kuơ màng ngan là tàm ală gah lơh sa suơn sre công nghệ cao, lơh sa mờ măy mo\k lơh gơs phan ngui sa, prăp gàr phan geh lơh bơh broă lơh sa suơn sre, lơh sa mờ măy mo\k lơh gơs phan bơna, tơnguh broă dờp cau bơsram broă lơh, cau lơh broă lơgar Việt Nam tus lơh broă tàm càr do tàm ală gah lơh sa suơn sre, bơ\t bơtàu.

Cau mblàng Ndong Brawl