VOV4.K’ho -  Tàm broa\ lơh gùt Đảng, gùt làng bol mờ gùt ling klàng he gam chờ hờp tam pơrlòng geh cồng nha gờm chờ tơng kah 88 nam ngai crơng gơs Đảng Cộng sản Việt Nam dờng màng mờ wa\ rò sơnam pa nam Mậu Tuất, drim òr (30/1), Chủ tịch lơgar ồng Trần Đại Quang mờ mpồl lơh broa\ dà lơgar tus còp, lơh broa\ mờ nting sap sa tềp cau kuang, cau ling  mpồl ling kảnh sát dà  lềng  Việt Nam tàm Bộ tư lệnh tiah kảnh sát dà lềng  3.

Ồng Trần Đại Quang sồr tiah kảnh sát dà lềng 3  lơh ngan pơlam tàp bơtàu tơngguh git wa\ lơh tờm phào crong, phan bơna, ngan la phào crong phan bơna pa, gàr niam  jak broa\ lơh,  git wa\ jak ngan bơta tam lơh, git ngan ala\ broa\ lơh lòt sền, sền gròi mờ mut ngui adat boh lam. Gờm chờ ala\ jai pha, ala\ cồng nha jak ngan bơh mpồl kảnh sát dà lềng Việt Nam đơs bal mờ tiah kảnh sát dà lềng 3 đơs is neh lơh geh tàm ala\ nam do, ồng Trần Đại Quang jờng ala\ gah,  sơnah lơh broa\,  dà lơgar mờ kấp ủy, gơnoar atbồ, làng bol ala\ [òn lơgar tàm gùt lơgar neh sền gròi, dong kờl, dong  tơl bơta niam nàng kảnh sát dà lềng Việt Nam slơ ngai slơ pràn dờng  tơl  bơta, lơh di broa\ lơh, broa\ lơh tàm rài tam gơl pa.

                                    Cau cih mờ yal tơnggit K’ Brọp