VOV4.K’ho - Tàm dơ\ tus còp kơnă Dà lơgar tus lơgar Nhờk, tàm càr lơgar Tokyo, Chủ tịch lơgar ồng Trần Đại Quang neh cri bơyai mờ tus yờ sa mùl màl bơh Thủ tướng lơgar Nhờk ồng Shinzo Abe.

Bàr gah ring bal tơnguh broă lơh bal mùl màl bè sền gàr bơta lơngăp lơngai dà lơgar, lơh jăt jơnau yal bơr wèt tus broă sền gàr bal dà lơgar bơh 2 lơgar dê, chồl pràn broă lơh bal tàm ală gah bè lơngăp lơngai tàm internet, phan lơh broă sền gàr dà lơgar, broă lơh sơnơm ling klàng, tus bal broă sền gàr bơta lơngăp lơngai Liên hợp quốc, tơnguh bơta pràn lơh jăt adăt boh lam tàm dà lềng mờ tam pà broă lơh mờng chài bè broă tàm dà lềng.

Bàr gah kung ring bal tơnguh broă lơh bal tàm ală gah bơto bơtê cau lơh broă, lơh broă sa suơn sre, lơh sơnơm, tiah kis, lơh broă, bơ\t bơtàu mờ tơnguh bơtàu [òn drà, lơh niam sră nggal, lơh broă bal bơh ală tiah…

Di tàm dơ\ do, 2 gah neh ring bal jơnau yal bơr bal bơh lơgar Việt Nam mờ lơgar Nhờk di tàm dơ\ tus còp kơnă Dà lơgar tus lơgar Nhờk bơh Chủ tịch lơgar Cộng hòa xã hội chủ nghĩa Việt Nam dê.

Cau mblàng Ndong Brawl