VOV4.K'ho – Mho òr 10/11, tàm hìu nac Sheraton – Đà Nẵng, Chủ tịch lơgar, ồng Trần Đại Quang, Chủ tịch pơrjum dờng màng APEC dơ\ 25 neh đơng lam dơ\ yờ sa mờ broă lơh đơs crih tamya niam ngan (Gala dinner) gờm chờ ală kuang đơng lam bồ lơh sa APEC mờ ală pơ ùr, bơklau di tu\ tus bal pơrjum dờng màng APEC 2017.

Đơs tàm Gala dinner, Chủ tịch Trần Đại Quang đơs tờm: tơnơ\ mờr 30 nam crơng gơs, APEC neh gơ gơs là cribơyai tam klac lơh sa dờng ngan tàm kơnhoàl mờ dunia, là tiah sơn đờm uă ngan jơnau bơceh pa bè bơtàu tơnguh, tam klac lơh sa, kă bro, bơcri priă mờ là kơrnuat pơgồp bal tam klac lơh sa gùt tiah do.

Việt Nam neh gơ gơs là lơgar geh jơng jơh nùs ngan, geh kơnòl bơh ală kơrnuat tam klac tàm kơnhoàl mờ gùt plai ù; là dùl bơta tờm kuơ màng ngan bơh uă tam klac lơh sa dờng màng tàm tiah do. Chủ tịch lơgar Trần Đại Quang kơp kờ` ală rài lơh sa geh jơng tàm mpồl geh bal mờ Việt Nam cih tai jơnau yal cồng nha bơh APEC dê đơs bal bơh Việt Nam dê đơs is.

Lài mờ hơ\, tàm jơh ngai òr, Chủ tịch lơgar Trần Đại Quang neh geh ală dơ\ tìp mat 2 gah mờ kuang atbồ lơgar Mexico; Thủ tướng lơgar Papua New Guinea; Thủ tướng Singapore; kuang atbồ lơgar Philippines; Thủ tướng Malaysia mờ kuang dong broă dà lơgar Myanmar mò Aung San Suu Kyi tus bal poh dờng màng APEC 2017.

                                                          Cau cih mờ yal tơnggit K’Duẩn