VOV4.K’ho- Bal mờ làng bol gùt lơgar mờ gơ\p bơyô dunia, kuang bàng mờ cau ling mpồl Kuang àng làng bol ai lơh nrơ\t ndơl ngan tu\ kơno geh jơnau yal bè broă ồng Trần Đại Quang, Chủ tịch lơgar, lài do là Bộ trưởng Bộ Kuang àng chơ\t.

Tàm gơnoar broă Chủ tịch Hội đồng Quốc phòng mờ An ninh, atbồ ală mpồl ling klàng phàu crong, ồng Trần Đại Quang, Chủ tịch lơgar kuơmàng lời uă bơta sền gròi tus broă lơh bơ\t bơtàu mpồl Kuang àng làng bol.

Ờ go\ di mìng ală dơ\ lòt còp tus tàm ală anih sùm lơh kơnòl broă tàm mpồl kuang àng lơm gời ờ mờ gam là ală dơ\ lòt còp rwàng, ală dơ\ boh bơr rềp mềl, bal mờ ală jơnau pơndờm pơnđiang, pơn jờng mờ bơta pin dờn kơ\p kơnờm bơh cau lam bồ Dà lơgar dê tus mờ mpồl kuang àng làng bol.

Ăt uă gơnoar broă đơng lam bồ kuơmàng tàm mpồl Kuang àng làng bol, bè: Thứ trưởng, hơ\ sồng Bộ trưởng Bộ Kuang àng, kuơmàng là tàm gơnoar broă cau lam bồ Dà lơgar, atbồ ală mpồl phàu crong làng bol, ồng Trần Đại Quang Chủ tịch lơgar sùm lời ală nùs nhơm jơh nùs jơh tồr, ram mhu\, bơta sền gròi uă ngan, geh ală jơnau sồr kuơmàng gơ wèt mờ mpồl kuang àng, nàng kờ` bơ\t bơtàu mpồl kuang àng tàm gùt lơgar sùm dờng pràn, bơtàu tơnguh, lơh gơs jak ngan jơh ală kơnòl broă geh jàu.

Thiếu tướng, Cau khin cha jak chài mpồl phàu crong là ồng Phan Văn Lai, Kuang atbồ Ban yal tơngi\t kuang bàng dong kờl ai tiah tam lơh đah jum dà lơgar in yal bè do.

Ồng Trần Đại Quang là dùl nă kuang bàng jak chài ngan bơh Đảng mờ Dà lơgar dê, geh kuang bàng cau geh Đảng, kấp ủy bơh Dà lơgar tus [òn lơgar pin dờn pồ at gơnoar broă Chủ tịch lơgar.

Do là bơta chờ hờp ngan bơh gah Kuang àng dê neh bơto bơtê geh kuang bàng nàng ai Đảng, Dà lơgar, Chính phủ in, kung là bơta cih dờp dipal ngan dà kơlhề bơh ồng Trần Đại Quang dê.

Tàm tơngai lơh kơnòl broă Bộ trưởng Bộ Kuang àng bơh he dê, ồng neh uă dơ\ sồr mhar lơh jơh ală broă lùp khàu uă dơ\ lơh tìs, cih tềl kah niam ngan tu\ đơng lam krà` cê jơh nùs ngan jòi bàn mờ ku\p geh uă dơ\ lơh tìs.

Pơneh ngan bè Dơ\ lơh tìs sa kuề sa kùa dờng ngan, lơh tìs lơh sa gơlik geh tàm Vinalines sền go\ tàm nam 2012 bal mờ cau tờm lam bồ dơ\ lơh tìs là klau Dương Chí Dũng (cau atbồ Vinalines lài do) gam at gơnoar broă Cục trưởng Cục Hàng hải (Bộ Giao thông Vận tải) neh dô pồn tơn tu\ dơ\ lơh tìs geh lùp khàu, yal yă, kơrnoat sồr ku\p geh ai tơlik.

Ồng Trần Đại Quang, Bộ trưởng Bộ Quang àng neh sồr ală mpồl kuang àng jòi ku\p geh klau Dương Chí Dũng, lơh mhar broă lùp khàu. Rlau 3 nhai tơnơ\, klau Dũng gơtìp ku\p tu\ gam geh jơnau kờ` dô pồn tus lơgar Mỹ mơya ờ gơtùi.

Halà bè dơ\ lơh tìs Nguyễn Đức Kiên mờ cau lơh tìs bal lơh sa kă bro tìs mờ kơrnoat boh lam, lơh pơrlồm sa kơ`au jơtài phan bơna, ờ tă dia, kơldang nùs lơh tìs jơnau sồr bơh dà lơgar dê bè atbồ lơh sa lơh gơlik jơnau gơlời wơl ngòt rơngơ\t ngan.

Bal mờ hơ\, uă dơ\ lơh tìs dờng ndai kung geh sền go\ mờ ku\p sơl tơnơ\ hơ\, bè dơ\ lơh tìs Huỳnh Thị Huyền Như kơldang nùs lơh tìs mờ priă lơh tìs là mờr 4 rbô tơmàn; dơ\ lơh tìs sa kuề sa kùa gơlik geh tàm Ban atbồ ală rơndăp broă lơh gùng rơndeh ồs Việt Nam, dơ\ lơh tìs Hà Văn Thắm…

Mờ gơnoar broă là cau đơng lam bồ mpồl kuang àng, Đại tướng Trần Đại Quang sùm să tờm tơn lòt tus tiah gơlik geh ală jơnau lơh tìs gơ sơ\t cau ngòt rơngơ\t ngan nàng đơng lam lùp khàu mờ pơndờm pơndiang hìu bơnhă cau gơtìp gơ sơ\t in…

Thiếu tướng Nguyễn Quang Phòng, lài do là Tổng cục trưởng Tổng cục an ninh pà gi\t, pah tu\ geh dơ\ tìp mat, ồng Trần Đại Quang, Chủ tịch lơgar sùm tơngo\ nùs nhơm rềp mềl, sơrmah sơrmài ngan ờ go\ tam cah is mờ cau lơh broă bal mờ oh mi kấp hơđơm tàm mpồl kuang àng làng bol.

Đơs bal tàm bơta geh ngan den geh bàr pe nă oh mi guh at tus gơnoar broă dờng ngan mơya gơ wèt mờ oh mi lơh broă bal bơh lài sền bè là jơnau lơh is he dê, gơ wèt mờ kuang đơng lam bồ lài do bơh he dê sền ờ sơ\p sơl, mơya mìng is ồng Trần Đại Quang, Chủ tịch lơgar den gơ wèt mờ oh mi lài do den rềp mềl ngan ờ go\ geh jơnau oh mi đơs wàm bơta lơi ờ, dùl nă cau nđăp ngkời ờ tu\ lơi tam gơl bè dùl nùs nhơm cau lơh broă bal.

Ồng Trần Đại Quang Chủ tịch lơgar neh chơ\t neh lòt ngài, jơh ală kuang bàng, cau ling tàm mpồl Kuang àng làng bol kung gam sùm cih kah ală jơnau bơto sồr bơh ồng dê, hơ jơh nùs lơh ngan pơđơl pràn, jơh nùs lơh gơs niam jơh ală kơnòl broă mờ Đảng, Dà lơgar mờ làng bol dê jàu.

Cau mblàng Lơ Mu K’Yến