VOV4.K’ho - 41 nam pơn jăt tơn lơh broă tàm gah kuang àng mờ 2 nam nggùl at gơnoar broă Chủ tịch lơgar. Tàm gơnoar broă cau lam bô dà lơgar Việt Nam, Chủ tịch lơgar ồng Trần Đại Quang neh geh uă broă pơgồp bal kuơ màng tàm Đảng, Dà lơgar, Quốc hội mờ dà lơgar. Ồng là 1 tàm ală cau geh nùs nhơm gùt lang bol uă ngan mờ đềt mềr mờ kuang bàng cau ling. Bè broă lơh bal mờ cau ndai, Chủ tịch lơgar ồng Trần Đại Quang là “cau bơceh” ai ală broă lơh bal kuơ màng, tơl ală bơta.

Kis tàm xã Quang Thiện, kơnhoàl Kim Sơn, càr Ninh Bình tàm hìu nhă gal oh mi, bèp chơ\t gờ`, Chủ tịch lơgar ồng Trần Đại Quang neh geh rài kis bơh dềt glar bòl. Mơya tàm nùs nhơm bơh cau pơgru, cau bơyô lài do, kơnòm bơsram rơ[ah hơ\ sùm pràn kơl dang sơlèt mờ ală kkal ke. Jơh bơsram cấp 3 tàm hìu bơsram Kim Sơn B, ồng Trần Đại Quang là cau bơsram tàm hìu bosram Cảnh sát Nhân dân Dà lơgar tu\ mờr 16 sơnam, tàm hìu nhơm bơh pơgru Châu Nam Long, là pơgru bơto tàm hìu bơsram Cảnh sát Nhân dân yal, cau bơsram Trần Đại Quang dờng klao, ngăc ngar, koang klao mờ bơsram jăk:

-Tu\ Chủ tịch lơgar mu\t bơsram tàm hìu bơsram là 1 nă cau bơsram trơriang tơriồng ngan, ờ ngòt kal ke, sơbăc sơbang mờ là 1 tàm ală cau ngăc ngar, wă jơnau bơsram mhar, ờ ngòt kal ke tàm broă bơsram sră.

A` go\ Chủ tịch lơgar là cau `hăp `har, tơriang tơriồng tàm broă bơsram sră, kờ` bơsram sră mờ tài bè hơ\ den tàng Chủ tịch lơgar jơh bơsram bơh hìu bơsramtus bơsram Học viện Chính trị Dà lơgar Hồ Chí Minh tai mờ lơh Tiến sỹ tàm hìu bơsram hơ\.

Pal đơs là kòn bơnus `hăp `har, bơceh pa, ờ ngòt kal ke tàm broă bơsram sră mờ neh dờng bơh broă lơh mùl màl, mờ geh jơnau ngăc ngar bơh broă bơsram sră.

41 nam pơn jăt tơn lơh broă tàm gah kuang àng, tàm hơ\ lơh Bộ trưởng kuang àng tơngai bơh nam 2011 tus 2016, Chủ tịch lơgar ồng Trần Đại Quang geh ală broă pơgồp bal kuơ màng gơwèt mờ broă tơnguh bơtàu mpồl kuang àng dê.

Kuơ màng, ală broă lơh bơh ồng tàm tơngai lơh Thứ trưởng, hơ\ sồng Bộ trưởng Bộ kuang àng neh gàr niam bơta lơngăp lơngai ai uă broă lơh kuơ màng dà lơgar geh cồng nha. Geh dơ\ tìp mờ Chủ tịch lơgar ồng Trần Đại Quang ală nam nhai lơh broă tàm Bộ kuang àng, Thiếu tướng Nguyễn Bình Ban, kuang atbồ Viện lịch sử kuang àng làng bol lài do đơs là, bơta tơngo\ niam ồng dê hơ\ là: Chủ tịch lơgar ồng Trần Đại Quang là cau geh bơsram tus gùng tus dà, geh bơta ngăc ngar mùl màl uă.

Tàm nùs nhơm bơh Thiếu tướng Nguyễn Bình Ban, Chủ tịch lơgar ồng Trần Đại Quang bè là cau bi, 1 nă cau oh mi, 1 nă cau atbồ đềt mềr mờ jơh nùs, kuơ màng Chủ tịch lơgar Trần Đại Quang là 1 tàm ală cau geh nùs nhơm gùt làng bol uă ngan mờ đềt mềr mờ kuang bàng, cau ling:

-Chủ tịch lơgar Trần Đại Quang là 1 tàm ală cau geh ală broă pơgồp bal ai broă bơ\t bơtàu broă lơh bal bơh kuang àng mờ làng bol geh pin dờn ngan, ồng kung là 1 tàm ală cau neh lơh mpồl kuang àng đềt mềr mờ làng bol, tàm hơ\ kuơ màng sền gròi tus mờ mpồl kuang bàng, cau ling, uă ngan tàm tu\ geh broă jal mhar, tiah kal ke.

Mờ bơngă là cau atbồ mpồl đơng lam Tây Nguyên 1 tơngai, ồng neh đềt mềr mờ làng bol ală kòn cau, đềt mềr mờ kuang bàng, cau ling, lam sồr ală kuang bàng, cau ling tàm tơngai kal ke bơh broă lơh sền gàr bơta lơngăp lơngai ờ do ờ dă mpồl bơtiàn.

Ngai 02 nhai 04 nam 2016, tơnơ\ mờ tu\ geh Quốc hội pồ, tàm hìu pơrjum Quốc hội, Chủ tịch lơgar Trần Đại Quang neh yal guh at gơnoar broă tềng đăp bồng bi dà lơgar, tềng đăp Quốc hội mờ làng bol te\ khà gùt lơgar. Đơs tàm tu\ guh dờp at gơnoar broă, Chủ tịch lơgar Trần Đại Quang đơs loh: “Mờ nùs nhơm pơn yờ să, geh kơnòl dờng màng bơh cau lam bồ dà lơgar, Chủ tịch Hội đồng Quốc phòng mờ an ninh, atbồ mpồl ling klàng làng bol, a` geh lơh ngan jơh pràn tàm broă drơng broă dà lơgar, drơng broă làng bol, pơn jăt tai mờ tơnguh bơhiàn bơ\t bơtàu dà lơgar, sền gàr dà lơgar jăk chài bơh dà lơgar bal mờ jơnau mờng chài bơh ală kuang bàng Chủ tịch lơgar lài do, tơnguh mpồl tam klăc gùt jơi bơtiàn dà lơgar…”

Bàr nam nggùl at gơnoar broă Chủ tịch lơgar, tàm gơnoar broă cau lam bồ dà lơgar Việt Nam, Chủ tịch lơgar ồng Trần Đại Quang neh geh uă broă pơgồp kuơ màng. Ồng là “cau bơceh” geh pơn jăt ai broă lơh bal mờ lơgar ndai kuơ màng mờ tơl ală bơta. Chủ tịch lơgar ồng Trần Đại Quang neh geh broă lơh g^t gơ\p đềt mềr, lơh bơyô bal mờ ală lơgar tàm dunia. Bơh broă lơh, tơngu me lơh broă bơh Chủ tịch lơgar bơh Chủ tịch pơgồp bal tàm broă tơnguh bơngă lơgar Việt Nam tàm tiah do mờ tàm dunia.

Chủ tịch lơgar ồng Trần Đại Quang neh chồl pràn ală dơ\ tus còp, lơh broă bal bơh đah măt tơngai l^k tus đah măt tơngai mu\t plai ù, bơh lơgar Campuchia; Cuba; Lo; Brunei; Nhờk; Singapore,… tus lơagr Nga, Belarus, Italy, Peru, Israel, Ấn Độ, Vatican, Madagascar, Ethiopia mờ lơgar Ai Cập… pơgồp bal tàm broă tơnguh broă lơh bal bơh lơgar Việt Nam mờ ală lơgar. Kuơ màng, neh tơl^k gơnoar lơgar bơyai lơh bơh “Pơrjum ală kuang bàng đơng lam lơh sa mpồl APEC”.

Ồng Nguyễn Túc, Uỷ viên đoàn Chủ tịch uỷ ban măt trận dà lơgar Việt Nam đơs là, pơrjum APEC lơgar Việt Nam nam 2017, bu\ lah tu\ hơ\ Chủ tịch lơgar neh gơbàn kòp tàm să, mơya mờ nùs nhơm jơh nùs tài dà lơgar, tài Đảng, tài làng bol, ồng neh geh ală broă pơgồp bal dờng màng, tơl^k gơnoar là lơgar tòm bơyai lơh lơgar Việt Nam dê tàm rài pờ mpồng mờ tơrgùm bal mờ dunia:

-A` sền gròi ngan tus mờ pơrjum APEC, tu\ hơ\ Chủ tịch lơgar neh gơbàn kòp, lòt sơm kòp tàm lơgar Nhờk. Mờr tus ngai pơrjum den làng bol ờ su\k ơm ngan.

Tài pơrjum APEC uă kuang bàng dờng màng dà lơgar bè Chủ tịch lơgar Lo; kuang atbồ lơgar Mỹ, kuang atbồ lơgar Nga… bu\ lah kòp tê jê să, mơya ồng Trần Đại Quang kung gam lơh ngan di tơngai kờ` pơrjum geh bơyai lơh di mờ jơnau Đảng, Dà lơgar kơ\p kờ`.

Bơh pơrjum hơ\, neh pơn jờng bơngă lơgar Việt Nam tàm dunia. Ală cau tus pơrjum ndrờm geh lời wơl nùs nhơm niam bè lơgar Việt Nam đềt mềr, niam bơne\ mờ cau năc.

Cau mblàng Ndong Brawl