VOV4.K’ho – Rơcang tus pơrjum dơ\ 4, Quốc hội kơnă 14, mho òr 13/10, Chủ tịch lơgar ồng Trần Đại Quang bal mờ ală kuang bàng Quốc hội [òn dờng Hồ Chí Minh neh tìp mat cau te\ khà quận 1, quận 3 mờ quận 4, [òn dờng Hồ Chí Minh.

Tàm dơ\ tìp mat, ală bơta geh sền gròi uă bơh dà lơgar dê bè bơta rơcang sơndră sa kuề sa kùa; broă rơndap sap sèng wơl mpồl kuang bàng duh broă dà lơgar, broă bơyai lơh; broă mut lơh rơndap broă BOT tàm ală càr, [òn dờng gam uă ờ suk; broă bơt bơtàu ală rơndap adat boh lam tàm pơrjum dơ\ do; bơta kloh niam ờ do ờ dă phan sa mờ broă dong kờl tus mờ cau geh màng mờ dà lơgar… neh geh ală cau te\ khà quận 1, 3 mờ 4 đơs tus mờ Chủ tịch lơgar mờ mpồl kuang bàng Quốc hội.

Ala mat mpồl kuang bàng Quốc hội, Chủ tịch lơgar Trần Đại Quang đơs tờm, ồng mờ ală kuang bàng Quốc hội tàm mpồl geh jơh nùs cih dờp nàng yal mờ Quốc hội. Ală jơnau dan bè bơta ờ suk bơh cau te\ khà dê di gơnoar bơsong bơh [òn dờng dê, Chủ tịch lơgar sồr kuang đơng lam bồ [òn dờng mờ ală anih lơh broă, mpồl lơh broă geh mat mhar kơlôi sơnơng mờ hơ dùl bă dipal cau te\ khà in.

                                                  Cau cih mờ yal tơnggit K’Duẩn