VOV4.K’ho- Drim òr 1/12, ồng Trần Đại Quang, Chủ tịch lơgar mờ mpồl kuang bàng Quốc hội [òn dờng Hồ Chí Minh neh tìp mat mờ cau te\ khà quận 1, quận 3 mờ quận 4, yal cồng nha pơrjum dơ\ 4, Quốc hội kơnă 14. Cau te\ khà đơs niam ngan cồng nha lơh geh bơh dơ\ pơrjum dê, mờ đơs ngan là Quốc hội geh uă bơta lơh tam gơl pa, tơnguh jơnhoa bơta niam mờ cồng nha ală broă lơh.

Ală kuang bàng Quốc hội tơngo\ bơta jơh nùs, nùs nhơm lơh broă niam, song dơ pă, ờ ngòt cau đơs lah. Cau te\ khà geh jơnau đơs tơngo\ nùs nhơm niam ngan gơ wèt mờ ală dơ\ lùp mờ hơ jơnau lùp tàm pơrjum dơ\ 4 pa do, mờ đơs là, ală dơ\ pơrjum do geh lơh tàm nùs nhơm song dơ pă, duh hồl mờ bơ\t bơtàu bal.

Ring bal mờ jơnau đơs bơh cau te\ khà dê bè cồng nha pơrjum dơ\ 4, Quốc hội kơnă 14, ồng Trần Đại Quang pà gi\t, tơrmù biên chế, lời wơl dùl êt nă kuang bàng atbồ, tơnơ\ dơ\ pơrjum dơ\ 4 tơn, Quốc hội geh nghị quyết gròi sền lơh jat broă do. Ồng Trần Đại Quang pin dờn ală broă mờ cau te\ khà sền gròi geh gờn bơsong tàm tơngai tus.

Cau cih mờ yal tơngi\t- Lơ Mu K’ Yến