VOV4.K’ho – Ngai òr (18/6), tàm gơlang Chủ tịch, Chủ tịch lơgar ồng Trần Đại Quang tìp mat 70 nă kơnòm bơsram geh rài kis uă kal ke gơwèt 14 càr, [òn dờng tàm gùt lơgar. Do là ală oh geh pơn rơ tàm gùt lơgar bè nùs nhơm sơrlèt gan kal ke, brồ guh, geh cồng nha jak ngan tàm broă bơsram sră mờ pơlam tàp tàm ală nam bơsram pa do.

 Chủ tịch lơgar Trần Đại Quang jờng rơ ală kơnòm bơsram, bu\lah rài kis gam uă kal ke mơya neh lơh ngan brồ guh, sơrlèt gan kal ke tàm broă bơsram sră. Gùt lơgar he tu\ do kung gam mờr 1 tơlak 500 rbô nă kơnòm dềt geh rài kis uă kal ke bè kòn đời, kuet kơlte, lơh broă gờ`, ờ geh anih kơldìng….

 Chủ tịch lơgar sồr ală gah lơh broă, ală tiah sơlơ sền gàr, bơto bơtê, sền gròi kơnòm dềt, ngan là ală kơnòm dềt geh rài kis kal ke, mơkung di tu\ mblàng yal, jờng rơ, rề ơnàng ală pơn rơ jak, ală krơh àng cau niam, broă niam.

             Cau mblàng K’Duẩn