VOV4.K’ho - Mho òr (03/10), tàm gơlang Chủ tịch lơgar, Chủ tịch lơgar ồng Trần Đại Quang neh wă Thủ tướng lơgar Lào ồng Thongloun Sisoulith gam geh dơ\ tus còp mờ lơh broă tàm lơgar he.

Ồng Trần Đại Quang đơs tòm, lơgar Việt Nam sùm jơh nùs kờ` bal mờ broă tam gơl pa, sền gàr mờ bơ\t bơtàu dà lơgar Lào dê, sồr 2 gah pal lơh jăt geh cồng nha rơndăp broă lơh broă bal pah nam bè sền gàr bơta lơngăp lơngai dà lơgar, rơhời bơsong jơh broă làng bol ntrờn ơm kis khăt gơboh mờ tam bao ờ geh sră nggal tàm tiah nhàr dà lơgar bơh 2 lơgar dê, pơgồp bal bơ\t bơtàu rơndăp broă geh ai mờ tơnguh bơtàu ală broă lơh mpồng nhàr dà lơgar bơh lơgar Việt Nam mờ lơgar Lào tơngai bơh nam 2016 tus 2025, wèt tus nam 2035; chồl pràn broă lơh jăt ală rơndăp broă lơh tòm, chồl pràn broă lơh bal tàm gah bơto bơtê mờ bơsram, bơta chài rơgơi, tàp pràn să jan mờ nhơl chờ…

Ồng Trần Đại Quang kung sồr 2 gah pal chồl pràn broă lam sồr, bơto bơtê bè bơhiàn tam klăc bal kuơ màng bơh lơgar Việt Nam mờ lơgar Lào, tàm hơ\ uă ngan là tus mờ ală rài kơnòm să bơh 2 lơgar dê.

Cau cih mờ yal tơng^t Ndong Brawl