VOV4.K’ho - Mho òr (18/10), tàm Hà Nội, Chủ tịch lơgar ồng Nguyễn Xuân Phúc, Chủ tịch Mpồl duh broă sền gàr bơta lơngăp lơngai dà lơgar neh tus pơrjum Pơn jờng ală mpồl lơh broă, cau dùl nă să geh cồng nha jăk chài tàm broă sền gàr bơta ring lơngai Liên hợp quốc.

Bơh nhai 6 nam 2014 tus tŭ do, lơgar Việt Nam neh ai 246 nă kuang bàng, cau lơh broă bơh ling klàng làng bol Việt Nam lòt lơh kơnòl sền gàr bơta ring lơngai Liên hợp quốc tàm ală lơgar đah jum Sudan, Trung Phi mờ Hìu lơh broă Liên hợp quốc tàm ƀòn dờng New York, lơgar Mỹ. Tàm hơ̆ geh 3 Hìu sơnơm lơh ing cấp 2 geh Liên hợp quốc đơs niam bơta pràn broă lơh, ală y, bác sĩ lơgar Việt Nam dê, lời wơl ală bơta niam bơnĕ ngan gơwèt mờ ală cau kòp bal mờ nùs nhơm geh kơnòl uă, broă lơh đềt mềr jơh nùs tài cau kòp. Ala măt kuang đơng lam Đảng, Dà lơgar, Chủ tịch lơgar ồng Nguyễn Xuân Phúc pơn jờng, đơs niam ală cồng nha jăk chài ngan bơh mpồl ling sền gàr bơta ring lơngai Liên hợp quốc dê, sồr Bộ Quốc phòng bal mờ ală Bộ, gah lơh broă pơn jăt tai lơh geh cồng nha rơndăp broă tơrgùm bal bè broă lơgar Việt Nam tus bal broă sền gàr bơta ring lơngai Liên hộp quốc neh geh Bộ Chính trị ring bal.

Cau mblàng Ndong Brawl