VOV4.K’ho - Di tàm dơ̆, Đại hội đồng Liên nghị viện ală lơgar tàm mpồl ASEAN dơ̆ 42 (AIPA-42) neh mùl màl sơn đờm jăt broă lơh pờ tơlĭk tàm internet, ala măt Dà lơgar bal mờ làng bol lơgar Việt Nam, Chủ tịch lơgar ồng Nguyễn Xuân Phúc neh geh jơnau chờ gờm pơyoa tus Đại hội đồng AIPA-42.

                               Chủ tịch lơgar pơyoa jơnau chờ gờm Đại hội đồng AIPA-42

Chủ tịch lơgar đơs tờm, Đại hội đồng AIPA-42 geh bơyai lơh tàm bơta dunia mờ tàm tiah do gam gơtìp aniai uă ngan bơh kòp Covid-19, gơrềng uă ngan tus mờ broă tơnguh bơtàu lơh sa mpồl bơtiàn mờ rài kis làng bol tàm ală lơgar. Tàm tơngai kal ke, bơta tơlòng tŭ do, Chủ tịch lơgar đơs uă tus mờ bơta kuơ màng bơh gah lơh adăt boh lam ală lơgar tàm mpồl ASEAN, bơh AIPA mờ ală Nghị viện tàm mpồl bè dùl bơta tờm pơgồp bal niam mờ dong kờl geh cồng nha ai broă lơh ngan bơh ală chính phủ in tơnguh bơta pràn tơrgùm bal bơh mpồl ASEAN dê sơrlèt mờ kal ke, pơn jăt tai lơh geh cồng nha ală jơnau kờñ bơ̆t bơtàu mpồl bơtiàn.

Cau mblàng Ndong Brawl