VOV4.K’ho-  Di dơ̆ Pơrjum dờng dơ̆ 1 Mpồl tam klăc bal Sơn đờm mut lơh broă dà lơgar (VINEN), Chủ tịch lơgar ồng Nguyễn Xuân Phúc neh pơyoa sră gờm chờ tus Pơrjum dờng dơ̆ 1 Mpồl tam klăc bal sơnđờm mut lơh broă dà lơgar.

Chủ tịch lơgar ồng Nguyễn Xuân Phúc đơs loh, sơlơ tơnguh sơnđờm mut lơh broă là dùl tàm ală cồng nha kuơ màng ngan rlau jơh bơh broă lơh tam gơl pa tàm gah lơh sa tàm Việt Nam. Chủ tịch lơgar pà gĭt, 5 nam lài do, bơh sơnrờp tơngai lơh broă tơngai bơh nam 2016 -2021, Chính phủ neh lơh nền nam 2016 là nam Dà lơgar sơnđờm mut lơh broă. Bơh hơ̆, nùs nhơm sơnđờm mut lơh broă geh rề ơnàng lơh uă, tiah bơcri priă kă bro geh lơh niam, rlau 100 rơbô mpồl lơh sa kă bro geh crơng gơs pa pah nam mờ tus tŭ do dà lơgar he neh geh rlau 800 rơbô mpồl lơh sa kă bro gam lơh broă. Chủ tịch lơgar kơ̆p kờñ Mpồl tam klăc bal sơnđờm mut lơh broă dà lơgar geh ngan ngồn gơ gơs là mpồl cau tàm pơgồp bal geh cồng nha mpồl bơtiàn sơnđờm mut lơh broă, pơgồp bơnah lơh geh bơta gơ kờñ, tề lam, dong kờl, lơh gơlik geh ngan ngồn ală jơnau kơ̆p kờñ sơnđờm mut lơh broă tàm Việt Nam.

Cau mblàng K’Hạnh