VOV4.K’ho- Mho ngai 12/10, tàm ƀòn dờng Hồ Chí Minh, ồng Nguyễn Xuân Phúc- Chủ tịch lơgar mờ Mpồl Kuang bàng Quốc hội ƀòn dờng Hồ Chí Minh dê lơh jat  dơ̆ jat sền broă lơh jat broă lơh rcang sơndră kòp Covid-19 jat Nghị quyết sồ 30/2021 bơh Quốc hội dê; ală sră nggal bơh Chính phủ, Thủ tướng Chính phủ; ală broă lơh nàng gròi sền kòp Covid-19, bơtàu tơnguh lơh sa- mpồl bơtiàn tàm ù tiah ƀòn dờng dê tàm tơngai tus. Ồng Nguyễn Xuân Phúc pơ yoa jơnau tam pà bal uă ngan mờ Đảng bộ, gơnoar at bồ mờ làng bol ƀòn dờng Hồ Chí Minh dê bè ală bơta roh rui, jê sồt moat jrùm bơh kòp dê lơh gơbàn.

Chủ tịch lơgar ồng Nguyễn Xuân Phúc tus bal tàm dơ̆ jat sền bơh Mpồl Kuang bàng Quốc hội ƀòn dờng Hồ Chí Minh dê bè broă lơh rcang sơndră kòp

Nàng bơtàu tơnguh wơl lơh sa ƀòn dờng dê, Chủ tịch lơgar sồr ƀòn dờng pơn jat tai gàr niam ală broă lơh tờm lơh sa geh lơh broă sùm, tàm hơ̆ geh broă pơndiang phan bơna; ntrờn kòn bơnus; ală broă lơh priă jền, ai càn priă, tơm priă jền ai mpồl lơh sa kă bro in; tàm tơrƀŏ wơl ală anih ai jơh bal phan bơna mờ cau lơh broă. Bal mờ hơ̆ là lơh wơl bơtàu tơnguh mpồl lơh sa kă bro, tìp mat cribơyai nàng gĭt loh bơta kal ke bơh tơl rơndap broă lơh dê.

Cau mblàng K’Hạnh