VOV4.K’ho- Di dơ̆ tơngkah kir sơnrai 80 nam Ngai bơhiàn Cau dờng sơnam Việt Nam (06/6/1941 - 06/6/2021), ồng Nguyễn Xuân Phúc Chủ tịch lơgar neh pơyoa sră gờm chờ tus jơh gùt mpồl cau dờng sơnam Việt Nam dê. Tàm sră pơyoa, Chủ tịch lơgar jờng rơ, gờm chờ ală cồng nha pal pơn iờ să ngan bơh ală rnàng cau dờng sơnam Việt Nam de. Gờm chờ Mpồl cau dờng sơnam Việt Nam neh 80 sơnam crơng gơs neh lơh sir jal ngan kơnòl broă mờ uă ngan broă lơh geh kuơ, srơh tàm pơrlòng geh cồng nha.

Chủ tịch lơgar kơ̆p kờñ cau dờng sơnam Việt Nam tàm lơgar mờ tàm lơgar ndai pơn jat tai tă pơgồp nùs nhơm, ƀồ tơngoh, bơta mờng chài bơh he dê nàng bơt bơtàu dà lơgar. Mơkung sồr Ủy ban dà lơgar bè Cau dờng sơnam Việt Nam, ală kấp ủy Đảng, gơnoar atbồ, ală mpồl cau, mpồl bơtiàn, tơl hìu bơnhă sùm sền gròi, kờñ gơboh, ki ngàm cau kra, rề ơnàng lơh uă ală broă lơh ngan ngồn dong kờl rài kis phan bơna mờ nùs nhơm ai cau dờng sơnam in, lơh jat niam broă lơh gàr tơl niam rài kis mpồl bơtiàn, ngui niam uă ngan rlau jơh bơta tă pơgồp bơh cau dờng sơnam dê, sơlơ tơnguh dà lơgar bơtàu tơnguh mhar mờ kơ̆ kơl jap.

Cau mblàng K’Hạnh