VOV4.K’ho – Tàm Hìu duh broă Chủ tịch lơgar dê, ồng Trần Đại Quang, Chủ tịch lơgar neh geh dơ\ lơh broă mờ kuang đơng lam bồ Bộ Kuang àng, Bộ Quốc phòng mờ ală anih lơh broă geh gơrềng bè broă lơh sền gàr niam bơta lơngăp lơngai, ờdo ờdă ai Poh bơyai lơh pơrjum kuang bàng dờng màng APEC nam 2017 in.

Chủ tịch lơgar sồr ală mpồl cau lơh niam jơh ală broă lơh sền gàr ờdo ờdă ngan Poh bơyai lơh pơrjum kuang bàng dờng màng APEC geh lơh tàm Việt Nam tàm nhai 11 tus do.

Tơnơ\ tu\ iat jơnau yal, ồng Trần Đại Quang đơs ngan, broă lơh rơcang neh jơh lơh, lơh jat di jơnau sồr. Mìng gam 18 ngai tai là Poh bơyai lơh Pơrjum kuang bàng dờng màng APEC dơ\ 25 geh lơh, ồng sồr ală Bộ, gah lơh broă mờ ală tiah kờp sền, bơtơl lơh jơh niam ală broă lơh sền gàr, ờ go\ di lời gơtìp rơmơ\p ndơl tàm jơh ală jơnau lơi digơlan gơlik geh. Tàm hơ\, broă tờm là sền gàr niam ngan ờdo ờdă ală kuang atbồ, kuang atbồ mpồl mờ ală kuang bàng, tam dră kơryan broă lơh sò tơm iơh bơsak, pơrlơ\ dră mờ dà lơgar, lơh aniai tàm tơngai geh lơh pơrjum.

Ồng sồr mpồl kuang àng, mpồl ling klàng sơlơ gròi sền siau phàu, phan phóng xạ, lơh ală broă lơh sền gàr niam bơta lơngăp lơngai hơđang kơl wàng trồ, tàm dà lềng, tàm ù gờl; lơngăp lơngai internet, lơngăp lơngai jơnau yal tơngi\t, sền gàr ờdo ờdă ală tiah kuơmàng, ờ go\ di lời gơlik geh khat dùl bơta tìs lơi bulah dềt ngan rlau jơh nàng Poh bơyai lơh pơrjum kuang bàng dờng màng APEC tàm lơgar Việt Nam geh lơh geh cồng nha niam bơne\.

Cau cih mờ yal tơngi\t- Lơ Mu K’ Yến