VOV4.K’ho- Mho ngai 07/12, Chủ tịch lơgar ồng Nguyễn Xuân Phúc tus bal mờ đơs đơng lam pơrjum Tơn jơh Broă lơh dong kờl lơh hìu ơm ai cau geh màng mờ dà lơgar, cau ling yau rƀah, hìu bơnhă rƀah in tàm ù tiah càr Hà Giang tơngai bơh nam 2019- 2021. Jăt jơnau yal bơh càr Hà Giang dê, nam 2021 neh dờp rlau 63 tơmàn 500 tơlak đong bơh ală anih mờ cau dùl nă să is dê dong kờl ai broă lơh in; neh lơh mờ lơh sir gơs hìu ơm ai mờr 1 rbô 400 hìu bơnhă in.

Kờp jơh priă tă pơgồp bơh ală anih, cau dùl nă să is dê dong kờl ai broă lơh do in tus tŭ do là 305 tơmàn 500 tơlak đong. Tơnơ̆ tŭ iăt kơno jơnau đơs bơh ală ƀộ, ƀan, gah sơnah lơh broă càr Hà Giang dê, Chủ tịch lơgar ồng Nguyễn Xuân Phúc đơs niam ngan càr, bulah là càr rƀah mờ tìp tai kal ke tài bơh kòp Covid-19 mờ trồ tiah lơh aniai mơya kung neh ai, mờ hòi jà tă pơgồp priă jền lơh rlau 5 rbô 100 nơm hìu. Mờ rlau 5 rbô nơm hìu lơh ing, ồm sèt nhhăt dà mìu gam wơl, Chủ tịch lơgar sồr pơn jăt tai lam lơh broă lơh do tàm tơngai tus nàng làng bol in tơrmù ƀà kal ke.

Cau mblàng Lơ Mu K’Yến