VOV4.K’ho- Ngai 02/6, Chủ tịch lơgar ồng Nguyễn Xuân Phúc neh geh sră pơyua Kuang atbồ lơgar Nga ồng Vladimir Putin nàng kờñ cribơyai bè git gơp đah 2 lơgar, tàm hơ̆ geh broă sơlơ tơnguh lơh broă bal rơcang sơndră kòp Covid-19.

Tàm sră pơyua, Chủ tịch lơgar đơs nền Việt Nam sùm sền dờng màng git gơp lơh bơyô ờs mờng mờ lơh broă bal kuơmàng tơl làm Việt Nam mờ Nga, kơp kờñ lam broă lơh bal đah 2 lơgar ngai sơlơ bơtàu tơnguh mờ geh cồng nha,mờ kung ai tơnggŏ bơta chờ hờp git gơp 2 lơgar pơn jat tai bơtàu tơnguh niam tàm ală gah bulah gơtìp gơ rềng tài bơh kòp Covid-19. Ưn ngài Kuang atbồ lơgar Nga mờ lơgar Nga neh pà Việt Nam in 1 rbô ding sơnơm vaccine mờ uă phan lơh sơnơm sơndră kòp ndai, Chủ tịch lơgar ồng Nguyễn Xuân Phúc kơp kờñ Nga dong kờl, lơh gơlik bơta niam nàng Việt Nam in mhar geh dờp sơnơm vaccine bơh lơgar Nga dê, kung bè lơh broă bal lơh gơlik sơnơm vaccine tàm lơgar Việt Nam.

Cau mblàng K’Duẩn