VOV4.K’ho- Di dơ̆ tơngkah kir sơnrai 80 nam Ngai crơng gơs Mpồl kơnòm pa tàu lam lài Hồ Chí Minh (15/5/1941-15/5/2021) mờ ngai Dunia kơnòm dềt 1/6, ồng Nguyễn Xuân Phúc Chủ tịch lơgar neh pơyoa sră gờm chờ, kờñ gơboh pơyoa tus Mpồl, ală sau kơnòm pa tàu, kơnòm dềt, ală cau drơng broă kơnòm pa tàu, kơnòm dềt ală nùs nhơm kờñ gơboh rềp mềl mờ jơnau gờm chờ niam bơnĕ ngan rlau jơh.

Tàm sră pơyoa, Chủ tịch lơgar đơs loh: đòm jat mờ lơh jat niam bơhiàn niam bơnĕ, ngai do ală rơnàng kơnòm pa tàu mờ kơnòm dềt, jat jơnau Bác Hồ bơto bơtê, sùm gĭt kờñ gơboh, tam klăc bal, kờñ lơh broă, hàm kờñ bơsram, sơnam dềt lơh broă dềt mơya bềng ală bơta kơ̆p kờñ, kơ̆p kờñ ngan tài rơnàng tơnơ̆ do bơh Dà lơgar dê. Ala mat Kuang đơng lam bồ Đảng, Dà lơgar, Chủ tịch lơgar jờng rơ ngan mờ đơs niam ngan ală cồng nha jak ngan bơh ală sau kơnòm pa tàu mờ kơnòm dềt, bơh ală cau drơng broă lơh broă bơh Mpồl dê..., mơkung sồr Đoàn Ơruh pơnu Cộng sản Hồ Chí Minh pơn jat tai tam gơl pa tơngume, broă lơh lơh broă, bơt bơtàu Mpồl  kơ̆ kơljap, pràn kơl dang, lơh niam broă lơh sền gàr, dong kờl, bơto bơtê kơnòm dềt; ală kấp ủy, gơnoar atbồ, ală gah sơnah lơh broă, mpồl cau sền gròi lơh jat niam gơnoar mờ kơnòl bơh ală kơnòm dềt dê, dong ală sau bơtàu tơnguh tơl làm.

Cau mblàng K’ Hạnh