VOV4.K’ho- Tơngai rềp ndo gơlik geh uă dơ\ lơh pờng, sơgràm aniai, geh tu\ là gơ sơ\t kơnòm dềt gơlik geh tàm bàr pe tiah, lơh gơlik nùs nhơm kơlôi rơcang ngòt rơngơ\t tus mờ ală hìu bơnhă mờ ờ suk tàm làng bol [òn lơgar in.

Tềng đap bơta geh ngan do, Chủ tịch lơgar, ồng Trần Đại Quang sồr Ủy ban Dà lơgar bè kơnòm dềt gơ wèt Bộ Lao động, Thương binh mờ Xã hội, Bộ Giáo dục mờ Đào tạo, Bộ Y tế, Bộ Kuang àng, ală bộ, gah lơh broă dà lơgar geh gơrềng bal mờ ală càr, [òn dờng tàm gùt lơgar: Sơlơ lòt sền, lùp sền, gròi sền broă lơh jat ală gùng dà broă lơh bơh Đảng, kơrnoat boh lam bơh Dà lơgar dê bè kơnòm dềt; Geh ală gùng dà broă lơh geh cồng nha kờ` gàr niam kơnòm dềt geh kis tàm rài kis lơngăp lơngai, niam bơne\, kis dờng bơtàu tơnguh tơl jơh bè să jan mờ nùs nhơm.

Lam lòt sền, lùp sền broă lơh jat jơnau sồr bơh kơrnoat boh lam dê tàm ală hìu bơsram mầm non, hìu bơsram mẫu giáo, hìu kòn dềt, mpồl kòn dềt tàm gùt lơgar nàng rơcang sơndră lài, kơryan, lùp khàu mờ lơh glài kràn ală broă lơh tìs kơrnoat boh lam bè kơnòm dềt.

Cau cih mờ yal tơngi\t- Lơ Mu K’Yến