VOV4.K’ho - Tơnơ̆ mờ tŭ gĭt jơnau yal cau bơsram dờng Nguyễn Văn Nhã, deh nam 1998, kis tàm kơnhoàl Quỳnh Lưu, càr Nghệ An, bơsram nam dơ̆ 4, gah Công nghệ thông tin, hiù bơsram Đại học Khoa học, gơwèt Đại học Huế tàm mho ngai 30 nhai 4 pa do tŭ gam re dà tềng gah dà lềng kơnhoàl Phú Vang den gŏ 3 nă cau ùr bơyô tàm mpồl gơtìp bŭ dà, dà pơrdô ngài tàm gùl dà lềng den tàng neh re tus nàng dong klàs, mơya tơnơ̆ mờ tŭ neh dong klàs geh ală cau bơyô, den Nhã gơtìp dà lềng pơrdô tài neh glar, Chủ tịch lơgar ồng Nguyễn Xuân Phúc neh pơyoa jơnau tam pà moăt jrùng mờ còp să tus hìu nhă cau bơsram dờng Nguyễn Văn Nhã.

Chủ tịch lơgar sồr ală anih lơh broă geh gơnoar sền sơwì ală bơta yal mờ Chủ tịch lơgar nàng jào pà Huân chương khin cha jăk chài, mờ sền sơwì tai nàng geh dờp cau bơsram dờng Nguyễn Văn Nhã là cau ling chơ̆t màng di jăt mờ kơrnoăt geh ai.

Cau mblàng Ndong Brawl