VOV4.K’ho – Mho mang òr (14/8), tàm Gơlang Kuang atbồ lơgar, Chủ tịch lơgar, ồng Trần Đại Quang tìp mat ală kuang atbồ anih ala mat lơgar Việt Nam tàm lơgar ndai rê tus bal pơrjum Ngoại giao dơ\ 30. Tàm dơ\ tìp mat, Chủ tịch lơgar jờng rơ, nting sap gờm chờ ală cồng nha jak ngan mờ  gah Ngoại giao neh lơh geh tàm tơngai lài. Chủ tịch lơgar đơs loh, dunia gam tam gơl mhar ngan. Ală lơgar ndrờm tam gơl ală gùng dà broă lơh kờ` đal git bơngă lơgar he dê dùl bă geh kuơ ngan rlau jơh tàm dunia pa. Chủ tịch lơgar sồr ală kuang bàng ngoại giao pal rơcang lài lơh niam broă git loh ală bơta gơlik geh, kơlôi sơnơng, mblàng lơh loh, sền sơwì, đơs lài bè ală jơnau digơlan gơlik geh nàng di tu\ cribơyai mờ Đảng, dà lơgar geh gùng dà, broă lơh bơsong ală jơnau digơlan pơhìn tus ngap lơngai dà lơgar, gơnoar tờm mờ tơl làm ù tiah dà lơgar dê.