VOV4.K’ho- Drim ngai 08/12, càr Hà Giang bơyai lơh tơngkah kir sơnrai 130 nam ngai crơng gơs càr (20/8/1891 – 20/8/2021), 30 nam crơng gơs wơl càr mờ 60 nam ngai Bác Hồ lòt còp Hà Giang. Chủ tịch lơgar ồng Nguyễn Xuân Phúc neh tus bal dơ̆ bơyai lơh tơngkah kir sơnrai mờ neh đơs nền, ù tiah Hà Giang là tiah geh bă ù kuơmàng ngan, tiah nhàr bồ tô dà lơgar dê. Nùs nhơm bơh làng bol Hà Giang dê kung là nùs nhơm bơh jơi bơtiàn Việt Nam dê.

Mờ jơnau kờñ bơtàu tơnguh mờ càr Hà Giang ai tơlik tàm Pơrjum dờng Đảng bộ càr dơ̆ 17, hơ̆ là bơt bơtàu Hà Giang gơ gơs càr bơtàu tơnguh bè nhơl chờ, kă bro, broă drơng ala mờ lơh sa suơn sre krơi is phan bơna; tus nam 2030 là càr geh lơh sa- mpồl bơtiàn bơtaù tơnguh niam tàm tiah kơh bơnơm đah tô dà lơgar; tus nam 2045 là càr geh lơh sa- kă bro gơguh dimơ bơh gùt lơgar dê.

Chủ tịch lơgar ồng Nguyễn Xuân Phúc sồr: Càr pal pơn jat tai jòi broă lơh mờ bơta pràn gơguh lơh sa pa jat bơta tơnguh ală bơta pràn mờ bơta ƀuơn geh is; ai lơh lài ală broă lơh sền gàr, lam lơh broă lơh dong kờl tơrmù rƀah, sơlơ bơcri priă ai bơto bơsram, sền gàr pràn kơldăng să jan, dong kờl làng bol gơ in niam.

Cau mblàng K’Duẩn