VOV4.K’ho- Dờp jơnau jà bơh Kuang atbồ lơgar Mỹ ồng Joe Biden, mang ngai 22/04, ồng Nguyễn Xuân Phúc Chủ tịch lơgar neh tus bal dơ̆ sơnđờm mut pơrjum dờng màng Pơrjum Kuang bàng kấp dờng màng bè trồ tiah.

                                 Chủ tịch lơgar tus bal pơrjum Kuang bàng kấp dờng màng bè trồ tiah

Pơrjum geh bơyai lơh jat broă lơh pờ tơlik tơn tàm internet tàm 2 ngai bơh ngai 22 tus ngai 23/4/2021, mờ jơnau kờñ tờm là kờñ sơlơ tơnguh mpồl bơtiàn dunia ai tơlik jơnau hơ pơr gon gùt plai ù pràn rlau tai bè rcang sơn dră  tam gơl trồ tiah nàng gơtùi lơh geh jơnau kờñ gàr niam bơta duh plai ù ờ gơguh ir 1,5 độ C pơn ndrờm lài mờ rài lơh sa mờ măy mok, di pal mờ nùs nhơm bơh Jơnau ring bal Paris bè tam gơl trồ tiah.

Tàm tơngume pơrjum, ồng Nguyễn Xuân Phúc Chủ tịch lơgar  geh bal mờ Kuang atbồ lơgar Mỹ ồng Joe Biden mờ Kuang atbồ ală lơgar Tây Ban Nha, Nigeria mờ Ba Lan tus bal mờ đơs tàm dơ̆ pơrjum kuơ màng bè tơngume “Ală bơta kuơ lơh sa bơh lơh broă trồ tiah dê” geh bơyai lơh tàm mang ngai do 23/4.

Cau mblàng K’ Hạnh