VOV4.K’ho - Mho òr (21/06), tàm Cơl dŭ lơh broă Chủ tịch lơgar, Chủ tịch lơgar ồng Nguyễn Xuân Phúc wă Bộ trưởng Ngoại giao lơgar Singapore ồng Vivian Balakrishnan tus tìp tàm dơ̆ tus còp mùl màl lơgar Việt Nam bơh ngai 20 tus 23 nhai 6.

Chủ tịch lơgar ồng Nguyễn Xuân Phúc wă Bộ trưởng Ngoại giao lơgar Singapore ồng Vivian Balakrishnan

Tàm dơ̆ wă, Chủ tịch lơgar ồng Nguyễn Xuân Phúc đơs niam broă gĭt gơ̆p, lơh broă bal đềt mềr đah lơgar Việt Nam mờ lơgar Singapore gam tơnguh bơtàu ngai sơlơ jrô ơnàng mờ geh cồng  nha. Lơgar Singapore sùm là dùl tàm ală lơgar bơcri priă lam lài; kuơ màng, bơh bồ nam 2020 tus tŭ do neh gơs lơgar lam lài tàm khà 70 lơgar mờ ù tiah bơcri priă tàm lơgar Việt Nam; broă lơh tiah lơh sa mờ măi mŏk lơgar Việt Nam mờ lơgar Singapore pơgồp bal tàm broă cèng geh bơta kuơ broă lơh sa mpồl bơtiàn mùl màl tàm lơgar Việt Nam in.

Bè broă tàm dà lềng đah măt tơngai lĭk, Bộ trưởng Ngoại giao lơgar Singapore đơs geh sền kuơ broă gàr niam bơta ring lơngai, ring niam, lơngăp lơngai, khăt gơboh gùng lòt tàm dà mờ tàm kơl wàng trồ tàm dà lềng đah măt tơngai lĭk, niam ờ do ờ dă geh ai tàm adăt boh lam, tàm hơ̆ geh Công ước adăt dà lềng nam 1982.

Cau mblàng Ndong Brawl