VOV4.K’ho – Mho òr (07/8), tàm Gơlang Kuang atbồ lơgar, Chủ tịch lơgar, ồng Trần Đại Quang wă Bộ trưởng Ngoại giao Rwanda, mò Louise Mushi Ki Wabo mờ Bộ trưởng Ngoại giao mờ làng bol kis tàm lơgar ndai lơgar Guinea, ồng Mama Ditoii gam còp mờ lơh broă tàm lơgar Việt Nam. Chủ tịch lơgar đơs niam ală bơta bơtàu tơnguh niam ngan tàm git gơp chính trị, lơh sa mờ bơta pơgồp bal, dong kờl bal mờ gơp tàm ală dơ\ cribơyai uă lơgar.

Việt Nam sùm sền dờng màng mờ kơp kờ` sơlơ tơnguh git gơp lơh broă bal, bơtàu tơnguh bal mờ ală lơgar gơp bơyô ờs mờng châu Phi, tàm hơ\ geh Rwanda mờ Guinea. Bơh git gơp chính trị niam bơne\, bơta ndrờm bal bè chài git wă mờ jơnau kờ` bơtàu tơnguh, Việt Nam mờ ală lơgar châu Phi neh mờ gam lam lơh geh cồng nha uă rơndap broă tam klac bal bè lơh sa suơn sre, viễn thông, lơh sơnơm, bơto bơsram…

Nàng sơlơ tơnguh rlau tai git gơp lơh broă bal đah Việt Nam mờ Rwanda mờ Guinea, Chủ tịch lơgar sồr pal sơlơ tìp mat ală mpồl lơh broă ală kấp, ngan là ală mpồl dờng màng, bơh ală gah lơh broă dà lơgar, Quốc hội, ală bộ, gah lơh broă dà lơgar, ală tiah, ală mpồl lơh sa kă bro… Mơkung pơn jat tai sơlơ cribơyai, pơgồp bal tàm ală dơ\ cribơyai uă lơgar, ngan là tàm Liên hợp quốc.