VOV4.K’ho- Mho òr 22/11, tàm Hìu duh broă Chủ tịch lơgar, Chủ tịch lơgar, ồng Trần Đại Quang neh tìp mat mpồl cau ala mat lơgar Lào geh màng mờ kăc màng Việt Nam.

Chủ tịch lơgar pơyua jơnau còp să jơh nùs mờ rềp mềl ngan rlau jơh ală cau ling yau, cau mè Lào khin cha jak chài, ală cau neh dong kờl, jơm glòm ai cau ling Việt Nam in lơh kơnòl broă dunia tàm lơgar Lào tàm rài tam lơh tam dră mờ bol sò tơm Tây, bol sò tơm Mỹ.

Chủ tịch lơgar đơs loh, bàr lơgar, bàr jơi bơtiàn Việt Nam – Lào geh bơta gi\t gơ\p lơh bơyô bal ờs mờng bơh yau mờ lơh broă bal dờng màng. Bơta gi\t gơ\p hơ\ neh dong 2 lơgar lơh geh uă bơta jai phan dờng tàm broă lơh tam dră tơngklàs jơi bơtiàn lài do kung bè tàm broă lơh bơ\t bơtàu dà lơgar tu\ do.

Chủ tịch lơgar kơ\p kờ` ală oh mi tàm mpồl cau lòt còp Việt Nam geh pơn jat tai geh ală tă pơgồp, dong kờl uă rlau tai ai broă lơh kơ\ kơl jăp tai mờ sơlơ tơnguh tai bơta gi\t gơ\p lơh bơyô bal ờs mờng bơh yau, nùs nhơm tam klac bal dờng màng mờ lơh broă bal tơl mờ ală bơta đah Việt Nam mờ Lào.

Cau cih mờ yal tơngi\t- Lơ Mu K’ Yến